0:00 السلام عليكم عدنا والعود عزه علاش قلت عزه لانه تغيبت على جال كتابي عزه مولودي الادبي الاول شكرا للناس اللي جاو وخداوه وتلاقاوا معي وجه لوجه في المعرض وولدي الناس والناس اللي ما قدروش يجوا على بالي كاين اللي بعاد بزاف وما قدروش وكاين اللي ظروف ما سمحتلهمش وحبوا هذا اللي يتحصلوا على هذا الكتاب نقول لكم متوفر عبر الرابط المثبت في التعليق الاول تقدروا تدخلوا ليه وتطلبوه ويوصلكم حتى لباب المنزل وفي انتظار ارائكم حول الروايه تاع عزه روايه عزه ليس فقط روايه يعني قصه من اجل قصه انما تتعلموا فيها بزاف صوالح فيها امور
0:46 تاريخيه سياسيه ودينيه وايضا فيها نوع من الدراما الاجتماعيه فيه 312 صفحه وهو فيه قصه واحده يعني تاع متابعه واحده فقط وليس مجموعه من القصص كما كان يعتبر بزاف من الناس يلا ما نطولش عليكم واليوم تخيلوا رجيتكم بواحد القصه شابه بزاف راح تعوض على الغياب تاعي باش ما تزعفوش عل القصه هذيا تاع وده او زوج السبا ونباه اول مره نسمع هذ الزوج هذ الاسماء هذوما والقصه هذه تاع اللي تحكيها يعني من الغرب الجزائري على هذا راكم رايحين راحين تسمعوا بعض الكلمات من الغرب اللي ما تعودتوش علي انا نقولها بما انه
1:34 انا من العاصمه يلا نحكي لكم القصه اذا عجبتكم ما تنساوش تبارطاجيوها مع اصدقائكم تخلونا جيم في لافيديو للمزيد من القصص تقول صاحبه القصه انا نبا من الغرب الجزائري مواليد 1977 الام تاعي فلسطينيه والاب من الغرب تزوجوا زواج تقليدي وتولدت بيناتهم قصه حب بزاف شابه ما شاء الله جابوا ثلاث اولاد واحد مر واحد وزوج بنات كانوا من ذوي البشره السمراء كما الاب تاعي ودايين حاجه من الام تاعي اللي كانت ما شاء الله ايه في الجمال ماشي مبالغه وانما حقيقه قررت الام تاعي تحبس خلاص ما تزيدش ما كان
2:19 الحال حبست خدمتها كانت معلمه في الابتدائي وقعدت تربيهم في الدار اما بابا كان طبيب طبيب تاع قلب المهم قعدت في الدار الاب يخدم وكلش مليح المستوى المادي عادي حالنا حال بزاف اسر في هذيك الفتره ايا بعدها يما قعدت عامين مور خوتي ورفدت الحمل غلطه لانه ما كانتش حابه تزيد وتقبلت عادي لانه عائلتنا هذيك العائله المتدينه اللي قريبه من الله سبحانه وتعالى دائما راضيين بقضائه وقدره وكلش مليح قعدت شهرين وراح لها البيبي غاضها بزاف مع انه كان عندها الولاد ما شاء الله هايا بعدها جاتها كي الحرنه باش تزيد ولات تحاول تحمل والو حتى فاتوا خمس
3:04 سنين كي كانت غادي تقطع الامل خلاص هايا رفدت رفدت الحمل وكانت فرحانه والدنيا ماشي واسعتها وتمنات تزيد بنت تشبه لها لانه كاع ولادها بدون استثناء يشبهوا للاب ولا واحد يشبه لها فاتوا تسع اشهر وولدت وسلكت على خير وجابت زوج بنات توام ما شاء سماتنا في هذيك الدقيقه لانه ما كانش متوقعه زوج بنات انا نباء واختي الاصغر مني بثلاث دقائق السبا كانت فرحانه ميته بنا هي والاب والشيء اللي فرحها بزاف واللي خلاني اليوم نحكي القصه اني انا زدت ذات بشره سمراء واختي نسخه تبقى الاصل على الام ما كناش توام حقيقي كبرنا ووالدينا
3:51 ما كانوش يفرقوا بيناتنا بصح المجتمع ولافامي كان عندهم راي اخر كانت اختي شابه شابه شابه ما شاء الله ولو كان زادت بياضت غير شويه تشعل الضوء الشعر صفر مسبسب يلمع والعين الزرقاء وعندها واحد العقليه تاع الاب تاعي عاقله بزاف وتحشم وكي تحشم تولي حمرا حمرا طوماطيشه كنت انا وياها صغار ما كناش نشوفوا هذا الفرق بصح منين رجعنا نخرجوا نلعبوا برا ولاو كامل يفضلوها ويحبوا يلعبوا معها غير هي كانت مميزه كانت هي البجعه وانا البطه السوداء اختي ما لقيتي لمن تشبهي كنت عصبيه لابعد حد ولساني حار بعيدا على شكلي يعني هذ الصفات
4:39 كيجتمعوا في طفله راكم عارفين النتيجه كبرنا ودخلنا نقراو سنه اولى هي راسها خفيف وترفد تم تم ما شاء الله وانا ما نجي نرفد ديك المعلومه حتىشي براسي كان بزاف مقارنه بيني وبين اختي هي ادواتها نضاف مرتبه وانا كنت يا لطيف الكراس ناكل من الحاشيه ماشي تعبير مجازي لا كنت ناكل الدفاتر والطباشير وشعري حرش صدره عكس خاوتي كاع كانت المعلمه تتمغز عل ودائما تحشمني وانا نسكت بصح اختي تخبر والديا ويروحوا يهضروا مع المعلمه كانوا عندها بزاف صحابات كع الناس تبغيها هضرتها موزونه عاقله شابه
5:24 وهذ الحاجه كنت وين ما نكبر تزير لي قلبي الولاد اللي يقراوا معنا حتى وحنا صغار يموتوا عليها يا سبحان الله تقول اميره واحد الخطره كانت كاينه عرضه عند لافامي تاع بابايا لبست لنا يما كيف كيف رحنا منين وصلت قابلتني هذه عمتي هذه عمتي حى كان عندها بنتها قدنا وكانت عمتي تكره ماما كره كبير كي دخلت عند الباب كنت متقاوده انا واختي رغم كلش كنا انا واختي ما نصبروش على بعضنا قالت لي راكي تباني ظلها تخيلوا وقالت لها كيفاش راكي قاده تخرجي مع وحده كما هذه تحشميش بها برا قعدت لي في راسي سمعتها ماما ما لا يرضيها ودخلنا بصح من ذاك النهار بديت نحس بالفرق
6:10 بيني وبين اختي وليت غير في المرايه ونصلي وندعي ونقول يا ربي غير شويه يا ربي شعري يولي رطب برك واختي تقول لي لا انت شابه وانت اختي وحبيبتي وكلش والناس راهم يديروا هكا باش ندابزوا رغم انها صغيره وندير عليها وكانت سب ما تصبرش علي والو نمرض تبكي ما نديش غايه تجيني عادي بصح هي تبكي دائما تجي الاولى ملي دخلنا نقراو ومين ما نجيش الاولى كيفها تبكي هايا ولينا نكبر وانا نشوف كيفاش الناس يبغوها كيفاش محبوبه ودايره بلاصتها ما عندها مشاكل خاطيها الكذب بينما انا كنت نطلق قنابل ومنين نكذب ما تقدش تعرف هي شغل انا نكذب بطريقه محترفه طلعنا لنهائي المتوسط
6:59 انا وياها وذاك العام عمري ما ننساه كنت غير نبكي عمتي تقول لي اختك كي كنت في كرش يماك سرقت لك زينك وداته كاع هي بالعاني تخليك تغلطي ودير روحها مليحه باش هي تبان ملاك وانت يكرهوك وعلاش هي تقرا وما تقريكش معها ايه شفتي غير باش هي تجلوله وتسرق منك الاضواء وليت نكره اختي وهي تقعد غير تبكي ما نحب نقعد حداها في القسم ما نحب نرقد حداها ما نجمع ما ناكل معها ما نعنقها في الليل ما نلعب معها وهي ما كانتش تصبر علي وتامنوا كنت كي ندابزها تمرض وكون ما نصالحهاش ما تاكل ما تشرب من كثره اللي كانت تبغيني تعطيني كلش اي حاجه تاعها تعطيه لي تكتب لي الدروس تطويلي حوايجي تمشط لي حتى شعري وفي كل عيد ميلاد
7:48 تشري هديه واللي قد تكون الهديه مختلفه خطره ريحه خطره كتاب بينما انا ما كنتش كاع نخمم فيها حتى تعطيني ماما كادو وتقول لي هاكي مديه لاختك على اساس زعما انا جبته وحتى في هذه المرحله ونكون انانيه نحب كاع الهدايا لي وتعطيهم لي اختي وتقول لها ماما لا كل واحد وصوالحه وتغافل ماما وتعطيني صوالحها كي نبكي تبكي معايا كي نجرح ولا نمرض تحس بيا خطره كنت مريضه وقعدت في الدار وهي راحت اما لا تامنوا زاد علي الحال وداوني للسبيطار والله غير حست بيا وقعدت غير تبكي قالت لهم ادوني شوف اختي انا نشوف هذ التضحيات وهذا الحب شغل زعما شغل باينه
8:33 باللي تحبني بصح ما نشوفهمش واحد النهار كنت نهضر انا وياها منين جينا من القرايه حتى قالت لي صاي لعبنا بزاف نوضي نحفظوا حكمتها من يدها وزيرت عليها قلت لها تحبيني عنقتني وزيرت قالت لي نموت عليك قلت لها لا اذا تبغيني بصح ما تجيش الاولى هذا الفصل وبكل سرور قالت لي على خاطرك ندير كلش كانت تحفظ وكلش نورمال عرفتها باللي كلختلي اما منين كملنا الاختبارات جات المعلمه دارت استدعاء قالت لي ماما باينه انت علاش ما تستعقليش يا بنتي ماما انا حسبت الاستدعاء على جالي لانه كنت مشاغبه بزاف راح الاب تاعي بالخميس العشيه وما هضر معنا حتى حاجه كي وصلنا للدار دخل هو وماما وقعدوا متهاضرين
9:19 حتى خرجت ماما وجاتنا للشومبره قالت لها سبا مالكي بنتي ش صر لك قالت لها كيفاه كنت تضربي المعدل غير طالع ودوك ديتي معدل هابط كيفاش قالت لها كنت تقراي وتحفظي سما كنتي تكذبي علي حكمتها بردتها وانا فرحانه اللي ديت معدل خير منها كانت خطرتها الاولى اللي تنضرب فرحت لها بزاف خاطر كانت عقله وما تنضربش وقعدت كاع النهار وهي معاقبه هاهي من موراها تصالحنا عادي وقالت لي علاش ما تز تزيريش انت روحك علاش تحوسيني انا اللي نطيح قلت لها انت ديتيلي كاع زهري في هذه الدنيا راحت تبكي وخبرت ماما جاتني ماما وقالت لي يا بنتي علاش تهضري كما هكا هذا خلق ربي احنا كاع شابين بصح انت قلبك ابيض ومسراره وعمره لون
10:06 البشره اذا كان مقياس في الانسانيه انا ما تقبلتش هذ الهضره درت روحي مقتنعه وتقعدت انا وختي هايا خطره ندابزوا خطره نتصالحوا على مشاكل ولاد الصغار بصح منين تجي عمتي وبنتها ننقلب 180 درجه تحرشني بزاف وطيح لي معنوياتي المهم فاتوا السنوات وما كان حتى حاجه جديده فاتت السنه الرابعه والخامسه وما كان حتى حاجه جديده وصلنا للسنه السادسه ابتدائي انا من قبيله غلطت هنايا راهم في مازال في الابتدائي اختي الكبيره عل جاوا الخطابه ليها جاو خالاتي وعماتي والدنيا تقلبت ايا وجدنا الحاله دخلوا ودخلت عليهم اختي شافوها عجبتهم عجبناهم حبينا نطلعوها
10:52 الفوق باش تتلاقى مع العريس واختي سباء كانت تهضر مع جداتي وبابا في الكوزينه حتى جا خويا مطلع العريس طاحت عينه في عينها السيد راح معها وبابا شمها وعرف بلي غادي تتفركت هايا طلع العريس عند اختي من بعدها راحوا اختي ما هودتش من الشومبره وقعدت تتوغ وتبكي طلعنا كاع نجروا وتخبط سبا بواحد الصفعه من كثرت هي اللي بيضه قعدوا صباعتيها سمانه في وجهها قال لها بابا وعلاه وقعدوا يزقوا عليها وناض الحس قالت له اليوم نهاري وهذه خطبتي وهو منين طلع عندي قال لي شكون مولات الشعر الاصفر قلت له اختي قال لي سمحيلي بصح عجبتني اختك اكثر قالت لها درتيها بالعاني ووقفتي باش يشوفك قال لها بابا هايا بركاينه غريانه
11:39 مولات 11 عام فيها الطمعه هايا طولنا ولا قصرنا كان غادي يشوفها المهم بردت القصه حتى في العشيه عيطت لنا يمه العريس يا قعدوا قلوبنا يخبطوا في ال 90 قالت لها يمه العريس عجبتونا ونتشرفوا بكم بصح كاينه حاجه احنا وليدنا عجبتهم ولات العين الخضراء يعني بنتكم الصغيره قالت لها ماما لا سمحيلي بنتي 11 عام رمضان ومازال ما تصوموش ما نجمش نعطيه لك وقطعت تشوفوا اختي ولات تصوتي وحقدت على سبايا دروك لقيت واحد يشاركني المشاعر اللي في قلبي لا تفهمنا عليها واختي هذه عندها تاثير كبير علينا في الدار تس ولينا دايرين عليها الكونطرا نلعبوا خلوها وحدها ولا
12:25 ندخلوا كاع ونغلقوا على رواحنا ونقعدوا نضحكوا بالصوت بالعاني وهي عند الباب ولينا نمعنوا عليها نفسوا لها حوايجها وهي غير ساكته وتفوت واحد النهار عطاتنا المعلمه واحد الواجب كنا في السيزيام ايا قاتلنا ما هكا يطيح لكم السيزيام اللي حل هذا الموضوع السيزيام راهو في جيبو المهم اختي داته للدار وحلاته في ورقه وزوقتها وخبتها انايا عجزت منين جينا في العشاء وذاك النهار راني عاقله ما تعشيناش بكري قالت البابا عطتني المعلمه واجب قالت لنا كيفاش غادي يجيكم في السيزيام انا تما تفكرته المغرف طاحت لي كان موضوع طويل وغدوه الصباح والله غير تراقبه لنا واللي ما يحلوش باينه العصا ل من عصى ايا خفت
13:11 وقعد قلبي يضرب قاللي بابا وانت حليتيه قلت له ايه حسني بلي راني نكذب قاللي غدوه جيبيلي نتيجه نشوف ما قدرتش نكمل اللقمه طلعنا كل واحد لبيته دخلت قلت لها سباء انت اختي اطيني النقل من عندك قالت لي لا ما نجمش يليق كل واحد والاجوبه تاعه هذو اسئله تاع الفهامه ماشي حفيظه قلت لها لا والله نبدل الاجوبه قالت لي لا انا كي كنت نحل فيه ونتعب انت كنتي تلعبي قلت لها ياك شفتشراك الفم كيفاه دابزنا انا وياها وكانت نقطه ضعفها شعرها كان طويل بزاف تسما منين نجبدها منه ما تقدرش تسلك روحها قعدت تعيط طلقتها ورحت الواجب لقيتها ماشي كاتبه اسمها خليتها رقدت هايا نضت انايا
13:57 في الليل رحت كتبت اسمي وخبيت هذاك الوجب في الكراس ورقدت هانيه غدوه الصباح هي دات راسها وانا ديت كراسي ورحنا لبابا يشوف دخلنا حليت الدفتر تاعي وريتله قالت لي هذا ماشي تاعي قعدت تحوس في الدفتر تاعها مالقاتش قالت له يا ابي والله غير هذا الواجب تاعي قال لها راه مكتوب نبا علاش انت سموك نباء قالت له والله غير تاعي هي تبكي وتحلف وانا نبكي ونحلف حسيته بدا يامنها قلت له كيفاه زعما هي كي شابه وتعرف تقرا دائما عندها الصح يا وردخت الكارطابل تاعي وراحت نبكي بالصوت والحمد لله امني دامدرسه وهو مقاطع اختي كي دخلنا كاع شافت المعلمه الواجب تاعنا كي جات عند سبا قالت لها ما عنديش وهي تبكي عينيها منفخين حموره
14:43 قالت لها وليتي مهمله بزاف خرجتها في البرد وقالت لها لايمي صباعتيك هكا تشفاو ما كانوا يضربونا هكا وضربتها بالعصا للظفار حتى وين يديها زراقه ردتها لبلاصتها وزادت نقصت لها النقاط قعدت اختي كاع الحصص حطه راسها وتحل في التمارين ما هضرت معايا ما لامتني كما مضاري ما والو قلبي ضرني كيفاش مامتنيش وليت نراضي فيها تامنوا ش صرى رضات وعنقتني وقالت لي ما تعاود وديش انا خلعت كون انا والله ما نسمح لها وتزيد تاكل الهراوه مع هذا الشيء رحنا للدار وقالت ماما توضر لي الواجب الصباح وضربتني المعلمه زادت عاقبتها ماما ثاني قعدت غالقه على روحها وتحفظ ما تعشات ما فطرت ما والو كي جا ابي يعيط لها قالت
15:30 له اختي الكبيره هاش دارت هاش دارت وهذه غلطتكم انتوما اللي قلشتوها بزاف بابا شغل تقلق من هضرتها هايا العشيه كي كنا شغل تعشينا هكا بعدها تفرنا كي طلعت ماما تركب عليها لقاتها رقدت والدموع ناشفين في خندها قالت لي ارواحي نقوللك راكي متاكده باللي ماحلتش الواجب قعدت ساكته خلاتني وهبطت المهم في هذا الوقت فوتنا السيزيام كي العاده ربحنا هي فاتتني بالنتيجه بيان سير الناس منين كانوا يجوا يحمدوا لنا وميم لافامي يعيطوا لها غير ليها لانه هي الشابه بيناتنا ومنا وقالت باللي السيزيام جابته مليح وهو السيزيام واعر وشيره كما هذه اللي تخافوا عليها لانه شابه وانا المنفيه اللي ماكش اللي يشوف في
16:17 وخالاتي يحطوا عليها في اليد من دك وزوج نساعم يدابزوا عليها ايه ما راكم تسمعوا وعمامي دابزوا ولات المشهوره في العائله الجميله الجذابه وانا التي لا تطاق وخواتاتي غطات عليهم ماما كانت فرحانه وخواتاتي غطات عليهم ماما كانت فرحانه بصح خواتاتي وانا بصراحه متنع بالغيره ما نكذبش عليكم المهم قرينا في سم ودائما كانت مغطيه بالحشمه تاعها بتربيتها قرايتها نعقل عليها في سنه الثانيه متوسط دابست انا مع وحده كانت تقرني وتستفزني باختي جاتني المراقبه قالت لي من كثريه سمك وبغضك راكي تباني ظل اختك وغادي تقعدي كاع حياتك ما هكا عجابه توام وكل وحده
17:02 وعقليتها وتربيتها زعما ما يكونوش بدلوها في السبيطار كي شفتوها زعما شابه خطفتوها حسبتني مسكينه غادي نسكت العشيه كلش عاودته لباباها بصح ما قلتلوش واش صرى اكزاكت المهم راح لها قالت لي هاك وهاك ولات تعقم في الهضره ومنا ما صابت ما تقوللي قدام بابا ومن ذاك النهار دارتني بين عينيها فات شهر ودخلنا في فتره الاختبارات كان عندنا نهار الاول رياضيات وفرنسيه سبا اختي تخاف من الرياضيات تموت بايته في الليل مع التمارين ولي سوجي والدنيا والبكا والخناين حتى جاها الوجع يقطع فيها رقدت على ذاك الوجع غدوه الصباح ناضت قبلنا باش تزيد تراجع الصباح ناضت قبلنا باش تزيد تراجع الصباح ماذنش ذاك
17:48 القيس منين ناضت نورمال غسلت وجهها ورجعت لبلاصتها حست بحاجه انورمال شعلت لقات روحها تعوم في الدمومات تاوعها كبرت الانسانه بلغت لاول مره تعرف هذا الشيء راحت تجريخواتاتي الكبار تنوض فيهم ماكانش اللي ناضت لها وماكانتش تعرف ش معناها هذا الشي وهذ الصوالح اما قعدت تبكي حسبت روحها راحه تموت رفدت المصحف وقعدت غير تقرا وتبكي ما على بالهاش باللي مالازمش تشد المصحف حتى فطنت بها اختي الكبيره وشافتها مالكي مالكي حكات لها قالت لها لا لا نورمال البنات كامل هكا وكيفاه وكيفاه تما تصالحت سبا اختي الكبيره بعد قصه الخطوبه وكي تتصالح مع اختي الكبيره معنتها الدار كاع راهي تحت السيطره لانه كاع يحبوها ويحترموها
18:36 انا منين فطنت نلقى السبا ولا لا اختي متعانقين ملبستها بيجامتها اللي تحبها وتراجع لها ويست قهوه وانا مخلييني راقده كي نضت لهم حكاولي حتى دخلت ماما من مورانا ميته بالفرحه قالت لي خلاص بنتي ولات مراه ونصدك وفرحانه ما تامنوش وقعدوا غير يهضروا معها يقلشوا فيها وانا باغيه نطرطق بالغيره قعدت غير ندعي ربي انا ت نحابه نولي مراه الساعه الاولى فوتنا الرياضيات الشعب يحل وانا نقول يا ربي نولي مراه يا ربي نولي مراه را ونص ك اختي زادت الساعه الزوجه كيف العشيه ما نقراوش راني نتمشى حتى نحس بالوجع يقطع فيا ما قدرتش نكمل الدار وليت نبكي درت لسبا ونخبر فيها قالت لي بالك من الخوف تاع
19:22 الاختبارات رفدت لي كرطابي وسندتني وجرتني حتى للدار كي وصلنا للدار طبطبت برجليها حلت ماما الباب مخلوعه حسبت كاش ما صرالي دخلت قعدت وانا نبكي من الوجع جاني الاب تاعي يجري وزاد خو خويا مجمع حدايا ندوك للسبيطار ندوك للسبيطار الضربه اللي نوضوني الفراش اللي كنت قاعده عليه كان في حاله الله اكبر الله اكبر شو هذا وجهي ولا حمر مت وخواتاتي كي شغل جاتهم الضحكه مع الحشمه الاب تاعي مسكين وجهه صفار قال خويا ارواح نشري لهم الخبز باش يفطروا خرجوا بالسيف وانا ماشي مامنه ماما قعدت تزغرت قالت لي الحمد لله بناتي ولاو لي عرايس وفرحانه بصح انا نفرح ونحمد في ربي ما فهمت شغل كنت غايره من هذا الشيء وراه
20:09 تحقق بصح كنت زعفانه بزاف في نفس الوقت علاش هي صرات لها في الستره وانا قدام بويا وخويا طلعت انا وسباء لشومبرتنا وفهمتني ما فهموها الصباح وانا باغيه غير ندور لها نكددها بسنيه من موراها عنقتني هكا كون خلعت قالت لي سبحان الله كل شي شباب يصر لنا في نهار واحد من بعدها قالت لي علاش ما نتحجبوش انا وياك دروك صاي كبرنا انا مارديتش عليها راحت تبدل قشها وانا دورت الهضره في راسي يايا هوت نجري قلت لدارنا باغيه نتحجب على اساس الفكره تاعي وغادي يعطوني عليها براءه اختراع هودت هي تتمخطر سمعتني نهضر فرحت وقالت لي تسمى راكي قابله نتحجبوا النار شعلت فيا
20:55 قلت لها ايه علاه ش راكي تشوفي فيا يهوديه ولا شاه المخلوقه قعدت غير تشوف لي خويا المختار هذا يحب سباء للموت كنت اقول له موتي موت نورمال قال لي اي مالكي ما قالت لك والو علاش راكي تاكلي في روحك رحت لبيتي وانا نتقطع قلت لها في قلبي قارعي قارعي جات العشيه حتى نشوف الشيره كملت حفيظه وتحل في التمارين وانا مازال الكراس ما حليتوش خفت وفي الليل كان كاين ماتش في التليفزيون وعندنا غير تيلي واحد راكم عارفين التسعينات وميم ما قلت لكم احنا على قد الحال اما حتى التمارين حلتهم وكملت وانا مازال ما نحفظ قالنا الاب تاعي ال كملته الحفيظه نجيو شغل باش يعني تقراونا نحفظوكم يا سبحان
21:43 الله مره ملي طلعنا للسيام يقولها لنا وزيد نهار اللي ماحفظش هو يعني على كل حال غير باش يفاتحنا في موضوع الحجاب راحت سبا فرحانه ايه حفظته كملته ومنا قال لها روحي وجدي روحك نخرجوا نضربوا دوره وبلاكش ما نشرييلكم حجابات وعيطي لاختك تجي تحفظيها ثاني جاتني تجري ميته بالساعات تخبر فيا انا نشفت وليت حاسدتها على هذا النشاط اللي راهي فيه وعلى هذ القرايه ولا وعلى حتى من كثره الغيض تاعي طحت في الارض قعدت غير نبكي من موراها بديت نزيد في الحس باش يسمعوني ويجوا ما كان الحال جات سباء مره واحده اخرى تجري يا جاو يما وبابا وخواتاتي مالكيش كاين وانا غير نبكي في البديه درتها بالعاني موراها ما فهمتش علاش ما
22:29 قدرتش نحبس حتى قالت لهم ماما اخرجوا وخلوني غير انا وياها خرجوا وكاع وعنقتني ماما تسقسي فيا تحنن فيا وبكل صراحه خبرتها باللي علاش سبا خير مني علاش مهما درت باش نكون خير منها ما قديتش قالت لي ماما يحي على بنتي وتغيري من اختك يا ما احلاهم الخواتات انا كون غير عندي خواتات نشق في راسي على جالهم واختك هكا خلقها ربي وانتاني بنتي اللي نبغيك وبيناتنا نبغيك اكثر منهم انت بنتي الحنينه والمازوزيه تاعي ياك واول وحده رفدتها بين يدي كي ولدت ودوك تكبري وتتبدلي وتولي غير من اختك قالت لي غير ما تغيريش منها الا غرتي منها تتخاسروا وانا نموت لو كان بناتي يتخاسروا ويتنايفوا عنقتني وزيرت
23:17 وقالت لي ما تشوفيش اختك كي دايره شوفي انت كي دايره واللي ما عجبكش في روحك بدليه ياك هذه نفسك وانت حره فيها ريحت لوحد الدرجه ما تامنوش سكت وقلت لها غلقي الباب راني باغيه نرقد راني راقده دخلت عندي يعني هذه اللقطه ما ننساهاش اليومنا هذا دخلت اختي سباء غطاتني وقعدت تبكي وقالت لي ربي حنن القلوب سلمت علي وخرجت بالحرف نعقل عليهم بكيت وانضريت المسافه اللي بيني وبين التوام تاعي هي حنينه وانا جافيه بصح علاه كملنا الاختبارات السمانه اللي موراها النقاط والحمد لله جبت نصف المواد بعلامه شابه فاتوا هذوك الزوج سمانات وجينا واحد النهار قاعدين في الدار
24:02 مع جداتي يمات الاب ما يخرج المعدلات تجي باش كش واحد فينا ماداش غايه تسلك عليه قلت لكم راح بابا جاب المعدله تاع اختي اللي في الليسي خسرت الباك وعاوداته وانا واختي الباقي كاع كبار منين دخل وجهه حمر لاختي الكبيره دايه 14 مليح وانا دايه 11 انا عجبتني وفرحت باسكو على حساب تعبي باش نتفاجا باختي دايا معدل اكبر معدل في السهام البرداح حكمتني ماما قعدت تزغرت من الفرحه اول وحده في العائله توصل لهذا المعدل كانوا خوتي يقراوا بسلامتهم بصح ماكش الليحق لهذه النقطه انا جريت روحي لشمبرتي ولقيت اتفه سبب يخليني نكرس ونحس روحي باغيه نقتلها اما من الزعف تاع ماما
24:50 اللي زغرتت اختي رفد كابتي لميشي وقلت لبابا اديني عند عمتي هذه عمتي كاع يكرهوها كاع كاع وخاصه ماما عيات انه تقول لي لا وانا والو قاللي نفطر ونروحوا رحت عندها بابا غير حطني قلع جمعت عندها وبكيت وحكيت لها وهذه غلطه كبيره كبيره شوفوا سركم من غير امك واختك وبنتك ماكش ايا جمعت وقاعده نفرغ في قلبي جات بنتها وداروني في وسطهم وبداو يعمر لي في راسي دارو لي غسيل الدماغ وشديت في هذيك الدقيقه في قلبي حقد كبير على اختي وماما ايه ما راكم تسمعوا حرشوني حتى على ماما ماما قالت لي عمتي هذه اختك دائما تبين روحها هي المليحه باش تغطي عليك عرفاتك
25:37 حنينه وقلبك ابيض وقافزه وعارفه بلي تديها لها ايا دير من وانا مولات 14 قعدت لاصقت لي الهضره هذه في راسي غدوه من ذاك ماما شعلتها كحله مع بابا قالت له تجيبها سي تجيبها ما تقعدش تم جا وداني كي وصلت للدار لقيتهم كاع بدون استثناء مشنفين علي زعما انا السبه اللي خليت بابا ويما يدابزوا صحه ماليش هذه فاتت على يومين جا ولد عمتي وجابلي قش اللي نسيته عند عمتي خاطر غسلته لي حلت عليه حبيبتنا سباء منين شافها حل فمه خاطر سبا ما تروحش عندهم جايه مع ماما كونطرهم دات عليه القش وقالت له ادخل ما بغاش قال لها لا وراح في الليل عيطت عمتي الاب تاعي كي راك غايه لاباس منا منا حبيت
26:26 نقول لك واحد الحاجه باغيه نخطب بنتك كاع كنا مجمعين قال ايه مرحبا وينها فيهم كي سمعنا فرحنا خاصه خواتاتي ماكش على بالها وينها من عمتي اللي عيطت ما بالناش باللي احنا برك البنات ما بالناش شكون اللي عيطت فيهم حتى قالت له الصغيره قال لها نبا انا طلعت للسما وهوت ما امنتش روحي حتى قالت له, لا لا, الاخرى, ولد, الشعر, الاصفر, اه قالها سبا قالت له واه قال لها ايه لمن باغي تخطبيها قالت له لولدي جمال هذا جمال ولدها تخاف منه تموت جا يعني رجوله وشهامه الرجال تاع ذاك الوقت قال لها لا انا هذو الزوج بناتي صغار وراهم يقراو مانيش باغي ندخل لهم زواج في رصالهم وتما قطع عليها وبرد
27:12 السوجي وبردت عمتي على خاطر تكره ماما ومستحيل تقبل تناسبها يعني غير وليدها صمط عليها كنا في العطله تاع الصيف ذاك الوقت وكان الحمان يقطع قلنا ندير نهار نروحوا للبحر درنا نهار باش نروحوا لمينا قششنا وصوالحنا وقلعنا على ال 6ه تاع الصباح كنا نسكنوا بعيد شويه رانا نتمشوا فتنا على حانوت تاع مواد غذائيه وكانوا حداها هكا حوانت راكم عارفين هذوك اللي يجوا على طريق تاع البحر نزلنا دينا ش رانا باغيين حتى قالت سباء البابا هام لك حجابات كي شابين اديني نشوف رحنا حتى عشينا شاريين انا وياها زوج حجابات زوج قالت له كي نولي من البحر ان شاء الله باذن الله راني متحجبه رحنا للبحر احنا بلاك تقولوا زعما
27:59 نعوموا بالمايو ولا ما كانش يعني غير ليغوب طوال وسيكليس طويل ما كانش الزغير مع بابا وخاوتي ثاني رانا قاعدين نلعبوا زاهيين حتى جانا واحد باين ايمي مع جد باباه هايا قالوا السلام عليكمو البابا خويا معليش دقيقه داو بابا وراحوا ماما قالت لخويا الكبير عس باباك خير ماكش ما يديروا له راح هضر معهم شحال من بعد جا جمع فرحان ويضحك قال لها سبا بنتي راكي ديري لنا فنش قالت له علاه ش كاين قال لها هذا ايميغري وجا خطبني فيك وقلت له اسمح لي صغيره قالت له ماما يا حوجي دا راه يبان صغير قال لها واه مولا 19 عام اختي تنير كنا دايرين دويره هكا احنا شيرات
28:45 وقاعدين قالت لي شولا انا الكبار وماخطبونيش وهي حتى الصغار وراهم يخطبوا فيها كانت قانطه بزاف خاطر اختي هذه كانت كلبه على الزواج المهم باش ما نطولش عليكم فاتت واحد النهار رانا قاعدين في الدار ابي كان خدام كان غير خويا الوسطاني اللي راجل في الدار باقي كاع برا طبطبوا علينا خرج لهم خويا سلام منا منا قالله اسكو الوالد راهو هنا قالوا بلي لانه مستحقوا في حاجه تاع خير قالله ماكاشو قالله ماكش مشكل نعاود نرجع ولا قالله عطيني نيميرو تاع الدار ماشي مشكل عطله نيميرو تاع الدار وراح منين جا بابا مع العصر هكا قالله خويا بلي هاي كي صرات هاي كي صرات مع المغرب يعيطوا في التليفون سلام لاباس لاباس قاله انا اللي تلاقيت بك في البحر على البنت ومنا ومنا قاله اه
29:33 عرفتك قالله انايا يعني الشيره هذيك ما شاء الله وعجبتنا بزاف وانا ولدي عايش في الخارج مع يماه ايمكريه وعجباته وباغي ندير لوليدي خاطره من فضلك ما تردنيش اذا نجم الجمعه اذا تساعدكم نجيب الدار يشوفوا الشيره وبلاكش ما يكون بيناتنا نصيب قالوا بابا ش نقول مرحبا بكم بدينا نوجدوا اختي فرحانه وقلبها يضرب وقالت لنا باينه ما نقبلش راني صغيره وما نروحش نعيش في الخارج ونخليكم منا والدار مقلوبه لا علينا جات الجمعه وجاو كي شفتهم كيفاش دايرين انا هبلت هبلت هبلت ما قدرتش ما شاء الله كلاص طح هضروا حضر غير عمي واحد خر شنف قلت لكم كان باغيها لوليد ميم عمتي ما جاتش عمتي هذه نسحقوها نسميها
30:18 نصيره لانه را نسحقوها من بعد اه يا بابا قال لهم بنتي صغيره بزاف راني باغيها تركز على قرايتها في الوقت الحالي اسكو راك فاهمني اخويا قاله ايه نخليها تكمل قرايتها رانا قابلين يقارعها حتى وين دير 18 باذن الله ومن موراها هي تكون كبيره وهو ثاني ويدبروا ريصانهم دونك احنا رانا باغيين غير نحطوا عليها اليد وندير لها الخاتم قال لهم اوكي نشاور البنت والدار ونقوللكم وكيما قلت لكم سبا كانت كبيره في عقلها واعيه قالله من فضلك الى نجم شغل نخليهم يهضروا هو وياها قالله بابا ماكينش مشكل قاللي بابا روحي قولي لاختك توجد روحها دير خمارها وتدخل الشومبره يجي الشير اللي نعطوه اسم يونس دخلت قعدت ودخل هو قالنا بابا انا وخويا اقعدوا عند الباب
31:04 عسكم الصغيره بصح ما تبانوش دخل قلت لكم قال لها ما شاء الله تبارك الرحمن قعد هو وياها عرفها بروحه شش يقرا ش باغي يحب يولي في المستقبل وقال لها انا مانيش جاي نتزوج زواج تقليدي شفتك حبيتك ونقارع لك تكملي قرايتك وتخدمي واللي بغيتيها راني هنا واذا عندك شروط قابل بهم المهر مهما كان راني قابل ش قلتي قعدت هي ساكته حشمت وخدودها ولاو حمرين كنا احنايا نطل عليها باش ما تقولوليش كيفاش عرفتي قال لها سمحيلي ما سكسيتكش على اسمك قالت له هي ميته بالحشمه سبا قالت له انا نحب القرايه وامور الزواج وهذه ما نفهم فيهم والواني عارفه والو اذا تقدر تصبر علي حتى نشرب عقلي شويه ونكبر وكل حياه تولي في
31:51 بلاصتها ما شاء الله على كلامها اذا راك مقلق على زواج اسمح لي وربي يجيب لك ما خير قال لها نو نقارع لك نقارع لك لا بغى منا على 100 سنه انت وباباك المهم تقبلوا الدنيا وما فيها قال لها والله ملي شفتك في البحر وانا ندعي ربي صباح وعشيه باش بوك يقبل ونجي انا ودارنا قال لها المهم متفاهمين قالت له واه حط لها شغل صاشي صغير هكا في حجرها وخرج دخلنا ليها انا واختي لقيناها ميته ماشي قادره كي شافتني عنقتني قالت لي راهي مخلطه عل ما عرفتش احساس غريب قلت لها يا حي اختي على البهلوله علاش احنا هذه لقيناها وقلنا لا لا احمدي ربي والشير ما شاء الله ما خصوا حتى حاجه انا تساعفيني قبلي بهذا خير لك يا قلت لها انا صحه
32:37 وريني ش عطاك حلينا الصاشي لقيناها واحد القابصه فيها سلسله تاع ذهب صغيره وفيها كتاب مكتوبه فيه ايه الكرسي على بالكم فرحت بها واحد الفرحه كاع عجبتنا ونقرصنا شويه انا ما فهمت علاش فرحت بها راحوا هما وقالوا لبابا غدوه رد لنا الخبر الشير على اربع ايام يركب ويعاود يرجع قال لهم صحه انا كنت مع سبا وخواتاتي قاعدين يحكوا لها على الزواج ومواضيع كبار وهي ميته بالحشمه ولات حمرا عيط لها بابا وخوتي باش يشوفوا رايها والو حشمت ما قدرتش تروح وتهضر معهم حتى جات ماما جاوها للشومبره وهضروا معها قال لها نقوللك الصح يا بنتي على بالي راكي تقراي وكاع بصح ها هما خواتاتك قراوا ما داروا والو بالتالي مرجوع المراه دارها
33:25 وانا الشير ما شاء الله عجبني ميم دارهم ودرك راهي في يدك خمي بنتي وصلي وتشاوري انت وامك وجاوبيني من مور العشاء نكملوا الهضره قعدوا كاع النهار يهضروا متشاورين ماما انا حن قلبي شويه كي شفت خواتاتي فرحانين لها خوتي فرحانين ماما صاي جاتني نورمال ولينا كاع النهار قلت لكم متشاورين كي جا الليل جمعنا نهضروا وقلنا له رانا قابلين قال لها درك انا نرجع لهم بصح ارواحي نقوللك سنا عندك البويام ما تخليش هذا الموضوع ياثر عليك قالت له صحه يا قعدنا الليل متحاكين وفرحانين ونتخايلوا ونقولوا لها كي تروحي لفرنسا تجيبي لنا وديري لنا تقول غدوه تتزوج هايا المهم ردينا لهم غدوه وقالوااله العام الجاي ان شاء الله كييولي الشير نجوا ندير شغل نخطب
34:11 وندير يعني خطوبه رسميه هاهي فاتت وجات الدخله تاع القرايه ودخلنا بالحجاب باينه باللي حتى واحد ماداها فيا غير اختي اللي لفتت الانظار ماليش وحلفت فينا ماما ما نخبر حتى واحد على هذه الخطبه نهار الاول دخل عندنا استاذ العلوم الطبيعيه جاي صغير باين عام الاول يا خوتي شش نقول لكم ملي دخل هو يشوف فيها والو ماهوتش عينيه من عينيها كنا لابسين طايور تاع بكري تجي شغل فيست كوستيوم بالجيب تاعه هي زرق وانا قهوي قعد غير يشوف فيها ولي اول مره ما نغيرش راني عارفه باللي الشيره مخطوبه صاي ما ولاتش تاثر فيا بصح كاين اللي كان عندهم راي واحد اخر دوك تفهموا قالنا في قصاصات كتبوا الاسم واللقب وتاريخ ومكان
34:57 الميلاد مهنه الاب عدد الاخوه ومعدل العام الماضي قالنا بالواحد يجيب لي القصاصه تاعه كي عطاته سباء القصاصه تاعها كاع الكلاصه شافته منين دارها على جهه ها جايه باش يهضر معها احشم نطق لي انا قال لي نباء معدل الانتقال تاعك 11 الحمد لله اللي حالتك الحظ العام اللي فات وما دوبليت ولحقتي, على, بنت, عمك, قلت, له, لا لا, استاذ عمري ما دوبليت قاللي عمرك ما دوبليتي بصح تباني كبيره حطيت راسي ش باغي نقولله نطق لي وقاللي ما شاء الله بنت عمك تقرا غايه راهي جايبه معدل كبير هي قالت له لا لا استاذ هذه اختي التوام ماشي بنت عمي طرطق الاستاذ بالضحك وضحكت كاع الكلاصه معه انا
35:45 قنت وقعدت نبكي ما نكذبش عليكم كي رحنا للدار رحتوا لمورال طايحلي واختي كاع الطريق وهي تصبر فيا دخلنا للدار خبرت بابا بكلش العشيه راحله باش يهضر معه والمدير صاحب باباه هضر معاه قاله استاذ زعق على بنتي وتنمر عليها وضحك عليها كاع الكلاصه راني حب نهضر معه دخلنا عنده قالله سلام قاله وا يا سي خونا من وين انت ولا الاستاذ يتنمر على تلميذ قاله بناتي عمرهم ملي بداو يقراوا في الليسي قالوا بناتي ملي بداو يقراوا في السهام جامي واحد دار لهم كما انت زعما كيفاش ضحكت عليها الكلاصه ما عجبكش خلق ربي ولا شاه جا هذا الاستاذ قال الاب تاعي كلمه بالفرونسي حسب ماغاديش يعرف وحكموا بابا
36:32 قالله جورنال وجا خارج بدلنا ذاك النهار الاقسام تاوعنا الغدوه رحت نقرا فرحانه بعد ما شفت عائلتي كيفاش واقفين معايا ما يحبوش علي فوتنا عامنا بدون جديد جا وقت البويام في وقتنا كان البويف ماشي البيام فوتناه غير ست تراس وبكى وقراتني سب اختي كان تحفظني نحل التمارين في رحبه كلش نديروه كيف السمانه تاع البيف فوتناها غير قرايه وصلات وناكلوا في الزبيب وكملنا وقارعنا النتائج كانوا النتائج يخرجوا يا في الجورنال ولا تروح المتوسطه باش تشوف ايا احنا جروب رايح يجيب جورنال وجروب راح للسيام وانا واختي قعدنا في الدار نقراو في القران وقلوبنا يخبطوا حتى نسمعوا الزغاريت من برا تاع ماما وخواتاتي زغ
37:19 صغرته ويبكوا انا قلت باينه هي جابته وانا لا حتى قريت الجورنال وقريناه في زوج وجبناه بالنفس المعدل في زوج سبحان الله من الفرحه ما قدرتش نوقف تعانقنا انا وياها وقعدنا نصوطي وتفاهمنا على سمانه ندير معروف صغير نعرضوا لافامي والاحباب كان الحال عرضنا ثاني لافامي تاع يونس وثاني عماته جا هذاك النهار ماما خيطت لنا عند الخياطه ليغوب كيف كيف لبسناهم زوقنا رواحنا وبداو لافاميجو صغاريت حتى نتفاجؤوا بابا دخل يجري قالنا ديروا خماراتكم درناهم ما فاهمين والو دخل يونس وجده عندنا بارك لانه سبا وعطانا كادويات وقالها يامات ونجي ندير لك الخاتم وخرج
38:07 وهنا كانوا عندنا زوج ميتين بالغيره ماشي انا وانما عمتي نصيره وبنتها اللي كانت محبسه القرايه في السنه السادسه حمدوا لنا الناس وفرحنا الحمد وراحوا جا الليل وتلايمنا كاع وكان عمتي بدينا نحل في الكادوات والحاجه الاولى هي عطاوها دراهم اكثر مني وميم الكادوات اكثر مني باسكو بكري كانوا يكتبوا الاسم في الكادو اللي جابت لها خاتم ذهب واللي جابوا لها ليغو بيجامت وحده جابت لها واحد اللعبه يابانيه ما نعرف كيسموها وين ما تحليها تلقى واحد صغير وتقعد غير تصغار وانا كي حليت لقيت كتوبه بيجامه ثاني وكاس غرت وما بينتش وتنبهت تلي عمتي وجاتني تتختل ك الشيطان وبدات توسوس لي شوفي كي يحبوها اكثر منك شوفي الكادوات اكثر منك
38:55 وانت كحله ويعيفوك على بها ما جابولكش وهي شوفي يا مات ودير الخاتم دائما مغطيه عليك دائما هي دي الضوء وانت في الظلمه وعمبرتلي راسي لوحد الدرجه وانا في ذاك السن ما نستوعبش مليح باللي راهي تحرش فيا رقدت وما هضرت مع حتى واحد فاتت هذك السمانه غير يهضر معايا واحد نلصق فيه عيطوا لبابا باش يتفاهموا على نهار الخاتم بدينا نجر منه من ونوجد وانا ميته ودائما نبكي ونقول علاش ماشي انا علاش هايا كي اليوم والغدوه الخاتم جاو عماتيعاونونا في الكاطو كاع راكم عارفين جات عمتي وبدات تخدم في خدمتها ك العاده ما شاء الله عليها من العاجزين قالت لي في الصح انت شابه عليها هي مين غير بيضه كون جاو
39:42 والديك متهليين فيك كون راكي انت والشير انا بانت لي يجي عليك انت اللي قلبك ابيض وتستاهليه ماشي هي وبدات بدات بدات تعمرلي وانيا بودينا البهلوله غير نسمع في الليل رحتف جداتي دير اختي في القردون ايا وتحصن فيها تعرف خدا بنتها نصيره هذه عمتي ايا يعيطوا لها هي يعيطوا لها بنت الغوله من كثره الشر اللي في قلبها والله غير ما نقول لكم يا كملت جدتي وتفركتنا باش نرقدوا رحت حداها وقلت سبا تحبيني قالت لي كي تزعقي انت اختي حبيبتي عيني نعطيهم لك قلت لها ملاكي تحبيني ما تتزوجيش ضحكت قالت لي يا عمري على اختي اللي ما قدرتش تفارقني خوتي كي
40:27 شافوها تضحك جاو يصوطيو انا سكت غدوه بدينا نوجدوا وهي غلقت عليها جارتنا وقالت لها ماما ما تكحليلهاش بزاف خدموا لها شعرها ولبسوها ما شفناهاش كنا لاتيين حتى قالت لنا ماما ارواحوا نطلعوا نركبوا على ختكم ونبدل دك يجوا مالين العريس طلعنا كي حلينا الباب وشفتها لحمي تشوك قعدوا غير يسموا عليها قال جداتي جيبولي المصحف نقرا عليها حتى جاوا دخلوا بالزغاريت وكاع بكري الرجال كانوا يحشموا تسما يونس ما جاش انا كي جا وسلمت على يماه وخواتاته لافامي تاعه وانا نتخيل روحي في بلاصتها ونتعصر ملي دخلوا هما غير يهضروا عليها غير يهضروا حتى كرهت صايي دخلت اختي وداروا
41:13 لها الخاتم وانا غير نتلوى في سمي وذاك النهار حلفت يا نكون انا في بلاصتها يا لا انا لا [موسيقى]
