0:00 في اللحظه اللي المنتخب المصري كان منهار فيها في الملعب بعد اعلان فوز الارجنتين والقهوه كلها كانت بتلطم والراجل اللي جنبك ماسك لي الشيشه كانه ماسك اكسجين بيتشعبط بيه في الدنيا بعد الصدمه الكل كان باصص على الشاشه ومقتنع يعني ان في حته حديده اسمها الفار سرقتنا عين عينك الكل مسك في الهدف الملغي في الحكم اللي استقصدنا في الحلم اللي اتسرق في الكام دقيقه الاخرانيين الكل كان بصص في الناحيه الغلط اساسا لان في نفس اللحظه اللي ملايين المصريين كانوا مش ملمومين فيها على روحهم من حرقه الاعصاب. كان في حساب بنكي في القاهره بيستقبل تحويل ب 857 مليون جنيه او ما يعادل 17.5 مليون دولار. الحقيقه ان مصر خرجت من ال 90 دقيقه بتوع ماتش الارجنتين وهي اغنى بكتير من لحظه
0:45 بدايه الماتش بسبب حرقه دمك واعصابك دي. ولو فضلنا نتعامل مع الكوره على انها شويه عرق ومجهود ومكسب وخساره هنفضل طول عمرنا المكنه اللي بتحول حرقه الدم والضغط العالي لثروات بتتوزع على ناس ما بينزلوش الملعب اصلا خلونا النهارده نحاول نفك الطلاسم دي عشان نعرف مين اللي كسب بجد من ال 90 دقيقه دول ومين اللي شال الليله وحاسب على المشاريب دي كلها من جيبه ومن عمره خلونا نرجع للرقم اللي قلناه مبلغ التحويل من 17.5 مليون دولار الفلوس دي ما نزلتش مكافئه تمثيل مشرف مثلا او عشان المنتخب لعب حلو في كاس العالم لا الواقع اعبط من كده بكتير للاسف يعني المبلغ ده مكون من جزئين الجزء الاكبر اسمه مكافاه الوصول لدور ال 16 وقمته 15 مليون دولار والباقي
1:33 اسمه منحه التحضير ودي ب 2.5 مليون دولار يعني ايه المنحه دي؟ الفيفا بتطلع ال 2.5 مليون دول توزعهم على ال 48 منتخب اللي رايحين البطوله خابطه واحده قبل ما اي حكم يصفر او اي كره تتلعب المنتخب اللي بياخد الكاس في الاخر بيقبضها والمنتخب اللي بياخد 3-0 في ثلاث ماتشات ويرجع على اول طياره بيقبضها برده ليه عشان الفيفا عامله زي صاحب المعرض اللي عامل افتتاح كبير وما ينفعش العارضين بتوعه يجوا بهدوم مبهدله يبوظوا شكل المعرض قدام الزباين الفيفا عاوزاك تظهر على الشاشات بلياقه محترمه ويونيفورم نظيف وتدريب كويس عشان تعرف تبيع الماتشات للرعاه والقنوات فالا 2.5 نص مليون دولار دول مش مكافاه لا دول بدل مظهر حضرتك الفيفا بتدفعهم لك عشان ما تعرهمش بغض النظر بقى انت هتنيل ايه في الملعب الرقم الكبير بقى ال 15 مليون
2:20 دولار بتوع الوصول لدور ال 16 لاول وهله انت ممكن تتخيل ان دول مكافاه على المجهود واللعب اللي وصلوك لدور ال 16 لا برده مش كده خالص الرقم ده مجموع ارقام ثانيه والجزء الاكبر منه 10 مليون دولار دول الفيفا بتدفعهم لك لمجرد انك عديت التصفيات وسافرت وطيارتك نزلت في امريكا دي اجره حضور بس مش اكتر هتاخدهم ايا كان بقى هتلعب كوره ولا هتلعب حكشه ولا هتعمل ايه وكل ما تطلع درجه المبلغ يزيد احنا بقى طلعنا للدور ال 16 فالعداد قفل معانا على 15 مليون مضمونين من قبل ما نلعب ماتش الارجنتين اصلا يعني اقل بند في الفلوس اللي هو مقابل اللعب الفعلي والتعب يا دوب 5 مليون دولار والجزء الاكبر من الفلوس تحصيل حاصل سواء لعبت ولا ما لعبتش ايه ده ده الفيفا دي طلعت طيبه وكريمه قوي بيدونا
3:07 كل الملايين دي عشان نحضر بس مش عشان نلعب لا هي دي مش طيبه حضرتك المكنه دي بتدفع لك عشان انت بتوفر لها بضاعه تبيعها بتوفر لها دقائق بث تبيعها للمعلنين اما الروح القتاليه بقى والروح الرياضيه فدول تشوف لك حد يعمل لك زار عشان يطلعهم من عليك طب وحرقه دم الجمهور حرقه الدم دي اكبر دليل على ان البضاعه ليها سوء لما ملايين المصريين يفضلوا متابعين الماتش لحد اخر ثانيه وايحبسوا انفسهم مع كل هجمه وتيجي النهايه تكسرهم وتخلي اللي يعيط واللي يموت مقهور حرفيا فده معناه حاجه واحده بس في لغه السوق ان العيون دي كلها ما فارقتش الشاشه لحظه واحده الماتش اللي بيوقف بلد بحالها وبعدين يبكيها في الاخر هو انجح ماتش تجاريا لانه سمر اكبر عدد ممكن من البني ادمين قدام الاعلانات لحد ما الحكم صفر فحضرتك كنت زبون ممتاز ودموعك كانت
3:55 التقييم الخمس نجوم للخدمه ال 17.5 نص مليون دولار اللي نزلوا في حساب اتحاد الكوره في كام اسبوع دول يوازوا اكث من عشر الميزانيه السنويه بتاعه النادي الاهلي الميزانيه اللي بتقرب من 8 مليار ونص يعني اربع او خمس ماتشات في المونديال جابوا الاتحاد الكره في شهر اللي اكبر نادي في قاره افريقيا بيجمعه في شهور وسنين من عقود رعايات وبث واعلانات لكن مع كل ده الرقم اللي يبان لك ضخم ده مجرد فتافيت يعني شويه بواقي وقعت من على ترابيزه اكبر من كده بكتير الترابيزه دي عشان تتخيل حجمها يعني محتاجين نبص على كومه الفلوس فوس اللي الفيفا بتلمها احنا بنتكلم عن ايرادات متوقعه بحوالي 14 مليار دولار في دوره الاربع سنين من 2023 ل 2026 منهم 9 مليار دولار بحالهم في سنه البطوله بس بزياده 70% عن ايرادات بطوله 2022 يعني
4:42 الكيان ده بيتضخم وبيبلع فلوس بسرعه تخلي اي مستثمر عقاري فاتح مشروع في التجمع الخامس يلطم طب بتيجي منين الفلوس دي من بيع حقوق البث للقنوات ورعايه الشركات اللي بتتهافت على مساحات الرعايه المحدوده ومنهم اللي ما بيلحقش اصلا مكان وثالث بند هو بيع التذاكر والضيافه واللي السنه دي محقق ثلاث اضعاف البطوله اللي فاتت لان الفيفا السنه دي قررت تمسك الليله من بابها تلغي الوسطاء بقى فبلعت الفلوس كلها في كرشها كمان لما لقت الطلب زايد عليها كده عملت ايه شغلت عقليه تجار الجمله كترت المعروضه عشان تكسب اكت وسعت البطوله من 32 ل 48 منتخب ورفعت الماتشات من 64 ل 104 طبعا كل ده اتسوق له بكلام عاطفي عن اتاحه فرصه للقارات المحرومه والدول الناميه عشان تعيش حلم المونديال اللي هي اشتغالات
5:29 طبعا كل الحكايه ان 40 ماتش زياده يعني 40 فاترينه اعلانات جديده بالشكل ده اللاعب الكبير النجم ما بقاش مجرد لاعب كوره ده بقى اصل تجاري وجوده لوحده وبيجيب فلوس وخروجه من البطوله يعتبر خراب بيوت بالنسبه لهم خلونا هناخد ميسي كمثال عشان نستوعب الصوره فروته الشخصيه تقريبا مليار دولار حط الرقم ده جنب ال 871 مليون دولار اللي الفيفا وزعتهم على 48 منتخب كلهم يعني امم بحالها نزلت الملعب باحلام ملايين من شعوبها وقطعوا بعض على النجيله وكل اللي كسبوه ما يجيش ثروه لاعب واحد بس ميسي بقى براند بيبيع تيشيرتات واشتراكات واعلانات بمجرد ما يظهر في الكدر عشان كده بقاه كنجم كبير في البطوله اطول فتره ممكنه يساوي مليارات بعيدا بقى عن اي
6:15 فنيات في الملعب وخروجه بدري معناه ان القناه اللي دفعت دم قلبها وعامله جدول اعلاناتها على اساس ان ميسي مكمل للنهائي هتلاقي الجدول ده اتهد فوق دماغها المشاهدين هينفضوا عنها والرعاه هيحسوا ان هم اضحك عليهم واشتروا بضاعه مضروبه وبينما المشجع الغلبان قاعد على القهوه بيحزق ويحرق في دمه وهو فاكر البطوله منافسه مفتوحه وان اللي بيحدد النتيجه هو شطاره اللعيبه واجتهادهم في حسابات ثانيه تماما هي اللي بتحدد نتائج اللعبه ودفاتر مكتوب فيها مين الاصل التجاري اللي لازم يفضل منور الشاشه اطول وقت ممكن ومين هو الباند الصغير اللي لو اتشطب من الدفاتر الميزانيه مش هتحس بيه اصلا وعشان الاصل التجاري ده يفضل منور الشاشه وما يخسرش فانت محتاج حارس شيك لابس بدله ما عندوش مشاعر والاهم انه ما بيسيبش وراه بصمات
7:03 المنتخب المصري يسجل هدف كان كفيل يقلب الماتش واللاعيبه طايرين من الفرحه والمشجعين في الاهاوي صوتهم بيرج البلد وفجاه الحكم بيحط ايده على ودنه ووضه الفار اللي عامله زي لجنه تفتيش مفاجاه من الوزاره نزلت على مدرسه حكومي قررت تراجع الفيديو قعدوا يحلبوا في فريمات الفيديو وزوايا التصوير لحد ما لقوا ان مروان عطيه شد تيشيرت المدافع الارجنتيني لسانرو مارتينز وداس على رجله في نفس اللحظه والنتيجه الجون اتلغى والهجمه من بابها بطله طب ما عندهم حق ما ده العدل القانون لازم يسريع الكل والله انت راجل طيب ما هو المشكله ان القانون هنا بيطبق بالمزاج لما يحبوا يطبقوه يتلككوا ولما يحبوا يطرمخوا يعملوا نفسهم مش شايفين قبل الجون الثالث بتاع الارجنتيني محمد صلاح انفرض بالكوره جوه منطقه الجزاء قام لاعب ارجنتيني خبطه
7:48 في رجله المفروض ان ده فاول والمفروض يبقى فيه ضربه جزاء لمصر هنا بقى اوط الفار النور قطع فيها لحد راجع فيديو ولا كان في ضربه جزاء هنا الدم هيغلي في عروقك وهتقول يبقى الحكم اكيد مرتشي او خل سياده الرئيس بس الحقيقه انك لو شلت الحكم ده وجبت واحد ثاني ملاك بجناحين منزل من السماء النتيجه غالبا مش هتتغير برده لان المشكله مش في الحكم المشكله في النظام نفسه كتالوج اللعبه نفسه ما دامت اللعبه اساسا محكومه بحسابات ماديه وارباح بالمليارات زي ما شفنا فالنتيجه الطبيعيه ان الحكام عموما سواء بوعي او بدون وعي بيميلوا ناحيه محاباه الفرق الكبيره اصلا ما هماش قد ان هم يز يزعلوا كيانات كبيره زي الفيفا بانهم يخسروها فلوس او فرق كره كبيره زي الارجنتين فهتلاقي الحكم بيزود وقت ضايع براحته لو الفرقه الكبيره خسرانه ومحتاجه تتعادل ويصفر بدري ويقفل الليله لو هي
8:35 اللي كسبانه يعني الحكم بيخاف من الدوشه وبيخاف من النجم اللي سعره مليار دولار زي بالضبط ما امين شرطه ممكن يوقف ميكروباس يقلبه ويفتش رخصه بس يعمل تعظيم سلام لعربيه متفيمه بنمر مميزه سيستم شغال بالخوف على اكل العيش قبل ما يكون شغال بالرشاوي وعشان السيستم ده يشتغل بضمير مرتاح اخترعوا الفار التقنيه اللي جابوها بحجه انها تنهي الجدل بس هي في الحقيقه حطت الحكم البشري ده في حته امان اكتر المعيار اللي اوضه الفار بتدخل عشانه اللي بيحدده في النهايه بني ادم مش كمبيوتر الشخص اللي بيتفرج على شاشه الفار حسب معيار مظفلط كده زي تهمه نشر اخبار كاذبه واساءه استخدام وسائل التواصل الاجتماعي اللي واسعه ومبهوقهه عشان اي حد يلبسها مهما [تنحنُح] كان مقاسه قال لك المعيار هو الخطا الواضح الجلي ايوه اللي هو ايه
9:20 حضرتك يعني ايه ده والله ما حدش عارف فالحاجه اللي انت تشوفها بعينك مصيبه هيقول لك لا ده احتكاك عادي اما بقى لو عاوزين يوجبوا مع النجم هيرجعوا للشريط ويطلعوا الفول ويقول لك اصل ده احتكاك لا احتكاك دي تسلخات حضرتك والعيذ بالله واحنا اللائحه عندنا بتقول ان في حاله التسلخات بنعمل كذا وكذا ولو عاوزين يطنشوا ضربه جزاء لمحمد صلاح هيقول لك اصل غرفه الفار شايفه ان المساله فيها قولان وان ده مش خطا واضح جلي يستدعي التدخل وده اخبث فخ في اللعبه كلها هم مش محتاجين يلفقوا فاول من العدم عشان يوجبوا مع النجم مروان عطيه داس فعلا على ريجن مارتينز المخالفه حقيقيه ما فيهاش نقاش فمش هتقدر تقول لهم تلت ثلاثه كام فالفار مش محتاج يغش اصلا هو محتاج بس يختار هيبص على ايه ويطنش ايه زي موظف الارشيف اللي يطلع لك قرار وزاري من سنه 73 عشان يوقف
10:07 لك رخصك وهو في نفس اللحظه بيمضي ورق لواحد ثاني من غير ما يبص فيه اصلا النظام متصمم عشان يطلع نتائج تصب في مصلحه الكبار وفي نفس الوقت مجهز عذر قانوني شيك لكل نتيجه عشان ما حدش يمسك عليهم غلطه وطبعا سمعه الفيفا سبقها يعني ما هياش فوق الشبهات وفضائحها بالكوم بس لو فاكر ان القصه اخيره هنا اللي هي مجرد حكم بيجامل فرق كبيره تبقى لسه متخيل ان كاس العالم ده دوره رمضانيه مثلا لا ده الليله في وراها اقتصاد ثاني اكبر بكتير اقتصاد اسود زي السوق السودا كده قبل بدايه المباريات من اول السنه دي اصلا الفيفا مضت عقد مع شركه اسمها ستاتس برفورم عشان تبقى الموزع الحصري لبيانات المراهنات في 104 ماتش بتوع البطوله يعني ايه بيانات مراه يعني كل رميه تماس كل ركله كل كارت اصفر كل نفس
10:54 اللعيب بياخده بيتحول لكود ديجيتال بيتبعت في نفس الفيمته ثانيه لنوادي المراهنات المرخصه في العالم كله يعني الفيفا ما بقتش بس بتبيع حق انك تتفرج دي بقت بتبيع كل فهمته ثانيه في الماتش قطاعي عشان الناس تراهن عليها ومش الرهان العادي بتاع زمان ده بقى في حاجه اسمها رهان لحظي او المايكرو بيتنج المراه زمان كانت عامله زي جمعيه الموظفين كده بتدفع كل شهر وتستنى لما يجي دورك عشان تقبط لكن دلوقتي الرهانات بقت في الثانيه الهجمه الجايه فيها ضربه ركنيه ولا لا الكوره دي هتتشط على الجون ولا بره طول ما الماتش شغال العداد بيعد واللي بيلعب قمار بيراهن على اللحظه اللي جايه واللي بعدها في سلسله مالهاش نهايه وعشان اللعبه دي تمشي لازم البيانات توصل لنادي الرهانات اسرع من الصوره اللي بتوصلك على التلفزيون عشان
11:39 يقفلوا باب الرهان قبل ما اللقطه تتغير السرعه نفسها بقت هي السلعه وحجم الفلوس اللي بتدور في السوق السودا للمراه دي بتقدر بحوالي 2 تريليون في السنه 80% من فلوس المراه في عالم شغاله في السوق السودا بره القانون بتديرها عصابات دوليه لغسيل الاموال فلوس مخدرات وسلاح بتدخل الماتش تطلع منه ارباح رهانات نظيفه وشرعيه طب ايه علاقه ده بالموضوع برده في الدقيقه 78 من ماتش مصر والارجنتين مصر كانت كسبانه 2-0 لكن فجاه شركه اسمها اوبتا تطلع لك احصائيه ان الارجنتين عندها فرصه 6 من% بس انها ترجع وتكسب الرقم ده ماطلعش في التوقيت ده صدفه عارفين اوطه دي تبقى مين دي علامه تجاريه تابعه لستاتس برفورم نفس الشركه صاحبه صفقه البيانات مع الفيفا الجهه اللي حسبت لك المعجزه بتاعه
12:26 ريمونتادا الارجنتين هي نفس الجهه اللي بتبيع الماتش ثانيه بثانيه لنوادي الرهانات متخيل كده واحد قاعد في كازينو اومار راهن ب 200 دولار على الارجنتين في اللحظه اللي السعر فيها ضرب في السماء وفجاه ال 200 دولار بتوعه بقوا 5000 دولار اللحظه اللي حلم المنتخب فيها بالفوز اتبخر كانت اغلى لحظه في سوق المراهنات كله اهو النجم اللي الفيفا بتحميه عشان البث هو النجم اللي بقاه في الملعب مخلي اسواق الرهانات دي مفتوحه وبتكسب تسيب بقى كل الهلومه اللي فوق دي وتفضل تنزل تنزل تنزل لاخر السلم خالص في القاع تلاقي المشجع الغلبان اللي بيمول كل ده من جيبه وما بيكسبش اي حاجه انت اللي بتدفع عشان تتفرج على كاس العالم اللي كنت زمان بتشوفه ببلاش الشغف اللي خلاك تعيط على الخساره هو نفس الشغف اللي خلاك تدفع عشان
13:11 تتفرج على خيبه المنتخب بجوده 4 كي وثانيا والاهم انت نفسك بقيت البضاعه فاكر الفيفا اللي باعت بيانات احداث الماتشات لايف بالثانيه لشركات المراهنات البيانات دي هي انت شخصيا توترك قعدتك على طرف الكرسي وانت بتقرقط في ضوافرك الزعيق والشتيمه ضربات قلبك اللي بتزيد مع كل هجمه كل ده بيتحول لارقام تتباع الماتش الواحد بقى بيتفتح عليه اكث من 200 سوق رهان يعني ضعفين ونص اللي كان بيحصل في 2022 فانت متخيل انك بتتفرج على الماتش بس الحقيقه ان الماتش هو اللي بيتفرج عليك انت عود القصب اللي داخل العصاره تتعصر عشان المعلن يملى كوبايته بانتباهك لاخر قطره وبتاع المراهنات ياخد طفل اعصابك المنهاره دي يعمل منه سبوبه السبوبه اللي مش بس
13:58 بتسرق فلوسك دي بتسحب من رصيد عمرك حرفيا مخ الانسان لما بيحس بخطر بيدوس على زرار الطوارئ فيغرق دمك ادرينالين وكورتيزول ضربات قلبك بتضرب في السقف ضغطك بيعلى كانك بتجري من حيوان مفترس او محصل ضرايب لان المخ ما بيقدرش يفرق ما بين خطر حقيقي هينهي حياتك وبين انفراض لمهاجم الارجنتين في الدقيقه 90 الاشاره بتوصل والهرمونات بتضرب ومش كل الناس صحتها بتستحمل الضغط ده في كاس العالم 2006 اللي اتلعب في المانيا باحثين راقبوا طوارئ المستشفيات في الايام اللي منتخب المانيا كان بيلعب فيها اكتشفوا ايه بقى حالات الطوارئ بتاعه امراض القلب زادت ضعفين ونص عن المعدل الطبيعي ولما دقوا في الارقام لقوا ان اغلبهم رجاله المعدل عند رجاله ضرب لاكث من ثلاث اضعاف يعني الموضوع مش مجرد فرجه
14:43 للتسليه على لعبه رياضيه ده في ناس بتدخل الانعاش بسبب الفرجه دي والخطر هنا ما بيتوزعش بالعدل على 90 دقيقه ده بيتركز كله في لحظات الذروه ركلات الترجيح او الماتشات اللي نتائجها بتتقلب في اخر خمس دقاق جسمك بيفضل يتمرجح بين الامل والياس في ثواني وضخات الادرينالين نازله عليك ورا بعض زي ضرب الكرابيج ودي بالضبط تركيبه ماتش مصر والارجنتين ماتش اتقلب في دقاق ونتيجته فضلت متعلقه على شعره لحد اخر لحظه فانت هنا بتجمع كل مقاومات الجلطه اللي الدكاتره بيحضروا منها في مكان واحد وزمن واحد وكانت النتيجه اننا سمعنا عن عم ابراهيم اللي كان قاعد بيتابع الماتش في قهوه صغيره في اسكندريه ومع الدقائق الاخيره جال له هبوط في الدوره الدمويه واتوفى وهو قاعد مكانه وفي نفس الوقت ده وعلى بعد مئات الكيلومترات
15:29 الماساه دي كانت بتتكرر بحذافرها في محافظه الشرقيه مشجع اسمه صلاح الحداد وقع على الارض في اللحظه اللي الحكم سفر فيها بنهايه الماتش وفارق الحياه بازمه قلبيه قبل ما حد يلحق ينقذه وفي قريه ثانيه جنبهم جلطه مفاجاه نقلت شاب في مقتبل العمر اسمه مازن لاط العنايه المركزه وهو في حاله حرجه ثلاث اشخاص ما يعرفوش بعض في مراحل عمريه مختلفه في ليله واحده ذنبهم الوحيد انهم حبوا لعبه وتعلقوا بيها اكث من طاقه احتمالهم ملعب الكوره يبان بسيط والامور فيه واضحه وفي قانون وعداله بيحكموه قواعد واضحه الكل عارفها فريقين متساويين في العدد وهدف ملموس تقدر توصل له خلال 90 دقيقه وحكم واحد ونتيجه في النهايه ما فيهاش اي مساحه للتاويل الوضوح ده تحديدا هو اكث حاجه بيفتقدها الشاب
16:16 المصري او المواطن المصري في تفاصيل حياته اليوميه لان بره الملعب القواعد غامضه واستمراريه السعي لا تعني حتميه الوصول وطريق لوظيفه ترضي الطموح او لحياه مستقله طريق طويل ومعقرب ومالهوش نهايه واضحه وبزحمه الضغوط دي كلها الكوره بتتحول من مجرد تسليه في وقت الفراغ لحاجه علماء النفس بيسموها الاستثمار العاطفي البديل بمعنى اننا بناخد كل اللي عجزنا عن تحقيقه في حياتنا الحقيقيه وبنحطه على اكتاف المنتخب وبنطلب منه انه ينتصر بالنيابه عننا بالمعنى ده الكره في مصر تجاوزت حدود الرياضه بكتير دي بقت صمام الامان الاخير المتنفس الوحيد المتاح واللي كان مجاني في يوم من الايام اللي بيضخ جرعه من السعاده في عقول ارهقها التفكير في بكره والخطر
17:02 الحقيقي بيبدا لما المنفذ الوحيد ده يفشل في انه يديك الشعور او السعاده اللي مستنيها خصوصا لما الفشل ده يصاحبه شعور مرير بالظلم العقل الباطن ما بيقراش اللي حصل ده على انه مجرد خساره عابره يعني ممكن تتعوض في البطوله الجايه لا بيقراها على انه سرقه متعمده لفرحتك واغتيال فرصتك الوحيده في انك تحس بالانتصار ارجع بقى بالذاكره للدقيقه الاولى خالص لعيبه المنتخب مصدومين بالنتيجه وفي نفس اللحظه حساب بنكي في القاهره بيستقبل 857 مليون جنيه وفكر كده مين اللي كسب ومين اللي دفع الثمن اظن الاجابه دلوقتي بقت واضحه زي الشمس على الترابيزه الكبيره الكل قاعد بيعد الفلوس الفيفا قبضت من البث والرعايه وبيع البيانات القنوات قبضت من الاعلانات مكاتب مرهنات قبضت حتى اتحاد الكوره
17:48 بتاعنا راجع بملايين واللي نزلت عليه بالبراشوت في ليله الحزن الوطني ما حدش فيهم رجع خسران طرف واحد بس اللي فضل بره الحسبه دي من اولها لاخرها المشجع انت الوحيد اللي ما قعدتش على الترابيزه اصلا بس في النهايه انت اللي شلت الليله ودفعت الحساب كله طب وبعد كل ده نعمل ايه يعني نبطل نتفرج على كوره نقفل التلفزيون ونقول للعالم يلعب لوحده والله لو تقدر يا ريت يعني لو بتحب الكوره العبها ما تخليهاش هي اللي تلعب بيك بس لو مصر تتفرج وهتدفع الاشتراك والاعلانات هتتفرج عليك قبل ما انت تتفرج عليها وبياناتك هتتباع هتتباع فعلى الاقل بلاش قلبك يتقهر قوي لانها مش مستاهله اتفرج واتسلى واعرف انها تسليه وانك راضي تصرف عليها من جيبك لكن بلاش تصرف عليها من صحتك وعمرك اما بالنسبه للمنتخب فرسالتي ليه انهم عملوا اللي
18:34 عليهم لكن للاسف اللعبه اكبر منهم وبالنسبه للفيفا فانا بقترح ان احنا نعلمهم الادب بان كابتن حسام حسن يرفع عالم فلسطين من هنا ورايح في كل المباريات في مصر ونبقى ضربنا عصفورين بحجره منها نغزهم ومنها كابتن حسام حسن يوحشنا شويه ونشوفكم على خير ان شاء
