0:00 لو قعدت على ترابيزة وحطيت قدامك مسدس، بس ده مش أي مسدس، ده مسدس متوصل بجهاز كم بيقيس حركة جسيم صغير، فالمفروض على حسب قوانين الاحتمالات نسبة إن المسدس يضرب فيك هي 50% ونسبة إنه يتعطل وما يضربش 50%، المنطق بيقول إنك لو جربت اللعبة دي كذا مرة مصيرك المحتوم هو الموت، بس إيه رأيك بقى لو قلتلك إنك من وجهة نظرك أنت الشخصية مستحيل تموت [موسيقى] والمسدس ده عمره ما هيضرب فيك مهما حاولت ومهما ضغطت على الزناد. أهلاً وسهلاً بكم، أنا عماد عصام وده موضوع جديد من العلم بالملعقة، لو بتحب تخوض في أعمق وأجن أفكار الفيزياء اللي بتعمل إيرور في الدماغ وتخليك تشك في كل حقيقة مسلمة حواليك، فأنت هنا في المكان
0:46 الصح، فياريت تدعمنا بعمل لايك واشترك في القناة ودوس على الجرس وفعل كل الإشعارات واعمل كوباية من مشروبك الجميل، لإننا ده هنسيب قوانين الحياة والموت العادية وهندخل معمل ميكانيكا الكم عشان نلعب أخطر لعبة في تاريخ الفيزياء ونكتشف إزاي وعيك ممكن يكون متصمم إنه يعيش للأبد، فركز معايا جداً علشان إحنا داخلين منطقة بتكسر كل قواعد المنطق. علشان نفهم اللعبة المجنونة دي لازم نرجع للأساس اللي اتبنت عليه وهو أعظم وأشهر تجربة ذهنية في تاريخ الفيزياء، قطة شرودنجر، فالعالم إروين شرودنجر حب يبين لزمايله مدى جنون ميكانيكا الكم، فقالهم بالتهكم تخيلوا إننا جبنا قطة وحطيناها في صندوق مقفول ومعاها إزازة فيها سم متوصلة
1:34 بجهاز بيقيس ذرة مشعة، فلو الذرة اتحللت بنسبة 50% السم هيطلع والقطة هتموت، ولو ما اتحللتش القطة هتعيش، ففي العالم العادي بتاعنا القطة يا عايشة يا ميتة، بس ميكانيكا الكم بتقول حاجة تانية خالص، بتقول إن طول ما الصندوق مقفول وإحنا ما بنبصش عليه الذرة المشعة دي بتكون موجودة في حالة تراكم كمي، يعني [موسيقى] متحللة ومش متحللة في نفس اللحظة. وبما أن حياة القطة مربوطة بالذرة دي، إذاً القطة كمان عايشة وميتة في نفس اللحظة. والمعادلة اللي بتوصف الجنون ده بسيطة جداً وبتتكتب بالشكل اللي أنت شايفه قدامك ده. المعادلة بتقول أن الحالة الكلية بساي للقطة هي مزيج متساوي بين الموت والحياة. فبمجرد ما تفتح الصندوق وتعمل عملية رصد أو قياس، الدالة الموجية دي بتنهار وبتشوف نتيجة
2:22 واحدة بس، يا قطة بتنوناو، يا قطة [موسيقى] ميتة. لحد هنا القصة دي إحنا عارفينها وسمعناها قبل كده كتير، مافيش أي جديد. بس السؤال اللي بيطرح نفسه ومحدش فكر فيه بجد، إحنا دايماً بنبص للتجربة من برا الصندوق كعلماء بنرصد. إيه بقى اللي يحصل لو أنت شخصياً اللي جوا الصندوق مكان القطة؟ هل أنت كمان هتكون عايش وميت في نفس اللحظة؟ الإجابة على السؤال ده ولدت واحدة من أغرب نظريات الفيزياء في التاريخ. في سنة 1957, طالب دكتوراه عبقري اسمه هيو إيفرت طلع ببحث زلزل أروقة الفيزياء. إيفرت كان متضايق من فكرة إنهيار الدالة الموجية, وكان بيقول ليه لما نفتح الصندوق الدالة بتنهار وحالة واحدة بس هي اللي تفضل؟ إيه اللي بيخلي الطبيعة تختار؟ إيفرت حط تفسير
3:09 جديد تماماً سماه تفسير العوالم المتعددة, وقال ببساطة مافيش حاجة اسمها الدالة الموجية بتنهار. فلما بتفتح الصندوق, الكون [موسيقى] كله بينقسم لنسختين أو فرعين. في الفرع الأول اللي هو الكون رقم واحد, أنت بتفتح [موسيقى] الصندوق وبتلاقي القطة عايشة. وفي الفرع الثاني اللي هو الكون رقم اثنين, [موسيقى] أنت بتفتح الصندوق وبتلاقي القطة ميتة. فالكونين دول حقيقيين بنسبة 100% وموجودين في نفس اللحظة, بس منفصلين عن بعض تماماً ومستحيل يتواصلوا. فكل إحتمال جوا معادلة الكم بيتحقق في كون موازي مستقل, وكل قرار بتاخده في حياتك, وكل ذرة بتتحرك في جسمك, بتخلق مليارات من الأكوان الموازية كل كسر من الثانية. ما فيش احتمال بيضيع فكل حاجة
3:54 ممكنة حصلت بالفعل بس في كون ثاني. بناءً بقى على تفسير العوالم المتعددة عالم الفيزياء ماكس تيجمارك في أواخر التسعينات طرح التجربة الذهنية المرعبة اللي هي تجربة [موسيقى] الانتحار الكمي فتيجمارك قال خلينا نشيل القطة ونحط عالم فيزياء مؤمن بتفسير العوالم المتعددة ونديله مسدس المسدس ده متوصل بجهاز بيقيس الاسبن [موسيقى] أو اللف المغزلي لجسم كمي زي الإلكترون الإلكترون ممكن يكون بيلف لفوق أو لتحت باحتمالية [موسيقى] 50% لكل اتجاه السيستم متبرمج كالتالي العالم بيحط المسدس على رأسه ويضغط الزناد الجهاز بيقيس الإلكترون [موسيقى] لو لقاه بيلف لفوق المسدس بيضرب رصاصة والعالم بيموت فورًا ولو لقاه بيلف لتحت المسدس بيعلق
4:42 وما بيضربش والعالم بيعيش فلو العالم ده جرب يضرب النار 10 مرات ورا بعض نسبة إنه يعيش في العالم العادي بتاعنا هي نص مضروب في نفسه 10 مرات يعني أقل من 1% [موسيقى] نسبة شبه معدومة بس لو بصينا بقى للتجربة دي من خلال عدسة العوالم المتعددة وربطناها بوعي العالم نفسه هنكتشف نتيجة هتصيبك بدوار وتخليك تسأل هل الموت فعلًا له وجود؟ تعالى بقى نمشي مع التجربة دي خطوة بخطوة بالبطيء المحاولة الأولى العالم بيضغط على الزناد الكون بينقسم لنسختين في الكون ألف المسدس ضرب والعالم مات وفي الكون باء المسدس علق والعالم لسه عايش دلوقتي بقى ركز جدًا في مفهوم الوعي في الكون ألف
5:28 العالم مات يعني مخه وقف يعني وعيه [موسيقى] انتهى الميت ما لهوش وعي علشان يدرك إنه مات إذًا الوعي الوحيد اللي لسه مستمر [موسيقى] ومدرك للتجربة دي هو وعي العالم اللي في الكون باء اللي المسدس بتاعه ما ضربش وعاش. المحاولة الثانية العالم اللي في الكون باء بيضغط الزناد ثاني، الكون ب بينقسم لنسختين جداد، ب1 العالم فيه ميت [موسيقى] وب2 العالم لسه عايش فيه، برده الوعي اللي في ب1 انتهى >> [موسيقى] >> والوعي الوحيد اللي هيكمل هو وعي العالم اللي في ب2، فتخيل العالم ده ضغط على الزناد 50 مرة، فمن وجهة نظر شخص واقف بره بيتفرج مراقب خارجي يعني، العالم ده غالبًا مات من أول أو ثاني مرة والتجربة خلصت والمراقب بيغسل إيده وبيمشي، المراقب
6:14 الخارجي بيشوف الجثة بعينه وبيسجل إن التجربة فشلت، ولكن من وجهة نظر العالم نفسه اللي هو المراقب الداخلي، وعيه دايمًا بيتنقل ويستمر فقط في الفروع والأكوان اللي هو نجي فيها، العالم ده هيفضل يجرب يضرب نفسه بالمسدس 50 مرة ورا بعض، هيكون مذهول ومش مصدق نفسه، هيقول أنا إزاي نجيت 50 مرة ورا بعض من روليت روسي، فنسبة حدوث ده هي 1/2 أس 50 [موسيقى] يعني صفر تقريبًا، ولكن بالنسبة للوعي اللي عاش الاحتمالات دي بتساوي واحد صحيح يعني 100%، لأنه ببساطة ما فيش أي فرع ثاني وعيه يقدر يتواجد فيه علشان يدرك العكس. علشان نفهمها بقى بلغة الرياضيات، إحنا بنتعامل مع حاجة اسمها الكوندشنال
7:00 بروبابيلتي أو [موسيقى] الاحتمال الشرطي، إحنا مش بنحسب احتمال النجاة المطلق، إحنا بنحسب احتمال النجاة بشرط وجود الوعي اللي بيرصد، والمعادلة اللي قدامك دي هي اللي بتقول الكلام ده، يعني احتمال إنك تكون عايش بشرط إنك مدرك أو وعيك هو دايمًا 100%، لإنك لو مت قيمة الإدراك بتبقى صفر، فالمعادلة ما بتتحسبش أصلًا في الفرع ده، الوعي بتاعك بيجبر إنه يفلتر كل الأكوان اللي أنت بتموت فيها وما [موسيقى] بيتبقاش ليك غير التايم لاين أو الخط الزمني الوحيد اللي المسدس فيه بيعطل أو بيطلع ما فيش فيه رصاصة أو أي معجزة فيزيائية بتحصل علشان تنقذ حياتك، أنت بتفضل عايش للأبد في خطك الزمني الخاص بك وبتبقى كوانتم إيمورتال أو خالد كميًا. الفكرة دي بتخلي ناس كتير تسرح بخيالها
7:46 وتقول طيب يعني لو أنا نطيت من طيارة من غير باراشوت وعيي هيشكل كون موازي الباراشوت فيه بيفتح بالصدفة أو أقع على الشجرة وأعيش. الحقيقة إن الخلود الكمي ده مش نعمة سحرية زي ما أنت متخيل. الفيزياء بتخبي لنا في السيناريو ده أبشع من الموت نفسه. علشان تأثير الخلود الكمي يشتغل لازم الحدث اللي بيموتك يكون مبني على تراكم كمي حقيقي زي جهاز المسدس الكمي بتاع تيج مارك. ولكن حوادث السيارات أو الأمراض أو إنك تقع من طيارة دي أحداث كبيرة ومليانة تفاصيل كلاسيكية ما بتخضعش لتراكم كمي بسيط بين صفر وواحد. ولكن خلينا بقى نفترض إن الخلود الكمي ده بينطبق على كل حاجة في حياتنا وإنك فعلًا
8:31 كل ما بتيجي تموت وعيك بيتنقل للفرع اللي أنت نجيت فيه. فين بقى الكابوس؟ الكابوس إن ميكانيكا الكم بتضمن لك البقاء على قيد الحياة بس ما بتضمن لكش جودة الحياة دي. يعني لو أنت كبير في السن وعندك مرض خطير المفروض يموتك وعيك هيتنقل للفرع اللي المرض ده ما موتكش فيه بس أنت هتبقى لسه مريض وبتتألم وجسمك بيعجز أكثر وأكثر وكل مرة بتقرب من الموت وعيك بيروح لفرع في كون ثاني أسوأ من اللي قبله بتكون فيه عايش بس على أجهزة [موسيقى] تنفس أو في غيبوبة أو جسمك متدمر تمامًا بس قلبك لسه بينبض بأي معجزة إحصائية. أنت هنا بقى مش هترجع شاب ولا هتبقى سوبر مان. أنت هتبقى أسير جوه جسم متهالك للأبد
9:17 لأن وعيك هيفضل يختار الفروع مهما كانت ندرة أو احتمالية حدوثها واحد في التريليون اللي أنت فيها لسه بتتنفس ولو بصعوبة. الموت [موسيقى] في الحالة دي بيكون رحمة أنت محروم منها تمامًا بحكم قوانين الفيزياء. تجربة الانتحار الكمي والخلود الكمي هي لحد دلوقتي مجرد تجربة ذهنية ومستحيل تتثبت [موسيقى] بشكل عملي، عارف ليه؟ لأن العالم اللي هيجربها لو نجح وسمع المسدس بيعمل 50 كليك ومماتش هو الوحيد اللي هيكون عارف ومقتنع [موسيقى] إن تفسير العوالم المتعددة ده صح، ولكن بالنسبة لنا احنا المراقبين من بره اللي واقفين معاه في المعمل، احنا بنعيش في الفروع العادية اللي احتمالاتها طبيعية، يعني [موسيقى] احنا هنشوفه بيموت من أول طلقة عادي جدا
10:03 وهنقول عليه عالم مجنون ومات. فالدليل الوحيد على الخلود الكمي هو دليل شخصي جداً مستحيل يتنقل لغيرك، كل واحد فينا بطل قصته المطلق اللي ما بتموتش. الحلقة دي بتعلمنا إن الواقع اللي احنا شايفينه ومقتنعين بيه هو مجرد جزء بسيط جداً من اللوحة الكاملة وعيننا البشري ممكن يكون أداة بتفلتر الكون المهول ده علشان تخلينا نشوف مسار واحد بس، خط زمني واحد بس نقدر نستوعبه ونعيش [موسيقى] فيه علشان ما نتجننش، فكل قرار بناخده وكل لحظة بنعيشها بتسيب وراها مقبرة من الأكوان الثانية اللي ماتت فيها اختياراتنا البديلة، النسخ الثانية مننا اللي هي لسه عايشة هناك بتدفع ثمن قراراتنا. لو وصلت لحد هنا يبقى أكيد الحلقة عجبتك
10:48 فيا ريت تدعمنا بعمل لايك واعمل شير للحلقة دي مع أصحابك اللي بيحبوا الفيزياء وميكانيكا الكم، ولو أنت لسه جديد في القناة [موسيقى] اشترك ودوس على الجرس وفعل كل الإشعارات، وكالعادة أسيبلك المصادر تحت الفيديو في الديسكربشن، حافظوا على شغفكم وخليكم فضوليين ودايماً دايماً اسألوا ليه.
