0:00 喺伊朗 只要你行出門口 你就已經入咗個天羅地網 插翼都難飛 無論係幾模糊嘅鏡頭 甚至係匿喺暗角 政權都有辦法認出你 呢度嘅示威者 每行出一步 都係喺度揾命搏 只要你敢企出嚟 你嘅生死就已經懸於一線 但係就正正當德黑蘭嗰班高層覺得自己已經無孔不入 掌控咗一切嘅時候 佢哋有無諗過 自己洗咗幾十億美金裝嚟防敵方 防平民嘅CCTV 有一日會變咗對家嘅導航系統呢 伊朗政府長期以嚟揾中國買硬件 近年仲揾埋俄羅斯買AI大腦 喺德黑蘭建立咗一個佢哋以為滴水不漏嘅數碼監獄
0:45 佢哋本嚟諗住用呢啲科技嚟捉街頭示威者 震懾所有嘅反對者 點知最後呢套系統竟然變咗以色列嘅免費直播頻道 以色列唔使派特務潛入去 佢哋只需要借呢啲鏡頭嚟做精準定位 就喺2026年2月 直接將呢個政權嘅最高領袖哈梅內伊送咗去見真主 今集 等我哋一齊入去呢場現代戰爭 睇嚇呢啲新科技 特別係AI 點樣將你本來以為係保命符嘅系統 反而變咗一張送你上路嘅奪命符 成為咗現實版嘅攞你命三千呢 故事嘅伏筆要追溯到2019年8月 當時伊朗政府唔只想喺條街度裝多幾支普通鏡頭咁簡單
1:33 佢哋係想要一個可以將全國反對派連根拔起嘅AI大佬 呢個深藏多年嘅秘密 最近先至由調查組織Forbidden Stories同埋法國嘅Le Monde聯手揭開 原來早喺嗰一年 伊朗就已經佈下咗一個精密嘅局 利用白手套公司去繞過國際制裁 喺2019年嘅8月 佢哋首先買咗張入場券 透過一間叫做 秘密同俄羅斯AI龍頭NtechLab簽約 成為咗佢嘅系統整合夥伴 表面上係普通嘅商業合作 實際上係幫背後嘅大老闆代購呢一套連Google都輸畀佢嘅人面識別軟件FindFace 街坊可能會問 呢個FindFace係乜水
2:19 居然話Google都輸畀佢 係咪又喺度講故仔 要搞清楚FindFace呢套嘢 我哋一定要先講下佢背後嗰間母公司NtechLab 呢間俄羅斯NtechLab係咩料 點解伊朗偏偏要揾佢 係因為佢哋手上嗰套演算法FindFace 曾經令到矽谷班大佬都跌曬眼鏡 早喺2015年 NtechLab成立咗都唔夠半年 就去咗參加由美國華盛頓大學舉辦嘅MegaFace Benchmark全球挑戰賽 呢個比賽可以話係業界嘅奧林匹克 難度極高 要求AI要喺100萬張幹擾相入面 精準咁揾出目標人物 結果 呢間名不經傳嘅俄羅斯Startup 竟然一舉擊敗咗包括Google內部研發嘅FaceNet模型在內所有強敵
3:07 攞咗全球冠軍 唔單止係咁 就連美國最權威嘅國家標準暨技術研究院NIST 都曾經將NtechLab嘅測試結果 評為全世界最準確嘅演算法之一 所以 伊朗革命衞隊睇中嘅 唔單止係同俄羅斯嘅兄弟關係 而係呢套連美國頂尖科技公司都打唔贏 真正軍事級嘅獵殺工具 今日呢套技術已經成為咗俄羅斯國家安全嘅一部分 除咗幫普京監控莫斯科超過15萬支鏡頭 佢哋甚至仲打入埋印度市場 幫印度三十幾個火車站做即時人臉監控 由中東嘅阿聯酋到東南亞嘅泰國 甚至連中南美洲嘅墨西哥都有佢哋嘅足跡
4:01 至於NtechLab呢間公司 去到2018年嘅時候 佢實際上已經畀俄羅斯國營軍工大佬Rostec同埋俄羅斯直接投資基金RDIF共同控制咗 正式成為俄羅斯國家安全體系嘅一部分 好啦 返返去伊朗 喺2019年買咗張入場券之後 2020年佢就開始全自動起底 Rostec攞到授權之後 即刻幫伊朗政府整咗個處理一億個面孔嘅資料庫 目標係要喺0 3秒之內鎖定任何示威者 到咗2021年 呢場戲就演到去收網階段 一間叫做Karma嘅大公司正式發動併購 直接將Rostec吞咗 點解要咁做 根據Forbidden Stories解密嘅資料
4:48 Karma嘅老細正正就係伊朗最令人聞風喪膽嘅 透過呢次併購 伊朗軍方就唔再需要透過中間人 而係直接掌控咗FindFace喺伊朗所有嘅技術底層、數據庫同埋運行權力 呢套俄羅斯AI亦正式由一套商業工具 變成咗革命衞隊手入面嘅數字獵殺神器 喺呢套FindFace系統入面 最令德黑蘭當局流曬口水嘅 係佢幾招非常之冷血嘅黑科技 點解我話呢套嘢直頭係社交媒體殺手呢 因為本身FindFace嘅DNA就係源自於社交媒體 佢最原始嘅版本係可以喺0 3秒內 將鏡頭影到嘅人臉同五億個社交媒體頭像做對比
5:34 但係去到伊朗政府手上 呢種純粹揾人嘅功能就變咗質 佢仲有一招更恐怖嘅 就係互動追蹤 佢唔單止純粹話畀你聽呢個人係邊個 AI仲會自動分析錄像入面 你諗嚇伊朗政府嘅心魔係乜嘢 咪就係最驚嗰班後生仔出街示威囉 所以佢哋利用呢套技術做到 只要你喺條街出現過 系統就會即刻將你張相 link 返去你嘅 Instagram 或者 Telegram AI 唔使人手操作 就會自動幫你起底 畫出一張反對派關係圖 連你同邊個食過飯 邊個係你親戚朋友 全部自動標籤曬出嚟 更絕嘅係 佢仲識得玩輪廓分析
6:21 呢點可以話係最令示威者絕望嘅 就算你戴咗口罩 甚至全身包到隻糭咁 AI 都可以根據你行路嘅姿勢 膊頭嘅闊度 甚至你揹袋嘅習慣 幫你整出一個你獨有嘅數字指紋 而成套系統最殺食嘅 就係可能係佢處理數據嘅 性價比同埋冷血效率 根據 2020 年同 2021 年 流出嘅幾份秘密合約 廿零萬美金就買入咗一個永久使用權 呢個價錢分分鐘喺香港半個車位都未買到 但係喺伊朗就足以買到一個可以同時接駁二百支高畫質攝影機 資料庫容納到三億個事件嘅監控大腦
7:07 只要你喺鏡頭出現過 AI就會記錄低你嘅特徵時間同地點 唔使0 3秒就可以喺系統入面精準鎖定你係邊個 大家可能聽落二百支鏡頭好少啫 但調查顯示呢個只係佢哋其中一份秘密合約入面嘅基本模組 伊朗係將無數個呢一類二百支五百支嘅授權拼埋一齊 再配埋佢哋用咗幾億美金買返嚟嘅中國硬件 先至整到嗰個密不透風嘅數位監獄 佢哋以為買咗呢部捉鬼機就安枕無憂啦 但係班獨裁者忽略咗最致命嘅一點 就係你個AI幾勁都好 你部機都要連線㗎嘛 只要你有個 IP 地址 亦都代表咗你就可能有個後門
7:53 伊朗用俄羅斯嘅 AI 腦配埋中國硬件 以為已經將德黑蘭變成一座密不透風嘅數位監獄 點不知個現實係 你套監控機件建得越完善 對家睇你就睇得越清楚 當你將全國幾萬隻眼全部數位化連曬上網嘅時候 呢啲原本用嚟監視人民嘅鏡頭 喺以色列嗰個高你幾班嘅 AI 面前 反而變成咗人哋最清晰嘅窗口 結果你燒咗幾億美金起出嚟嘅天網 到頭來就竟然幫對家做咗導航 好喇 故事話咁快 我哋就嚟到 2026 年 2 月 28 號 對於德黑蘭嘅居民嚟講 呢個星期六本來係一個平凡不過嘅日子 喺伊斯蘭嘅世界入面 星期五係佢哋主要嘅休息日 而星期六就係大家放完假
8:39 心情仲係有啲 hea 咁準備返工嘅日子 市中心嘅 Pasteur Street 附近 就好似平時一樣車水馬龍 而喺呢條街嘅官邸入面 86歲嘅哈梅內伊正準備開一個極高層嘅會議 街坊 唔知你會唔會同我一樣都覺得奇怪 明明呢位老人家成世人都同美國、以色列對抗 點解佢好似完全唔擔心自己安全咁 唔學似拉登長年匿喺深山或者暗無天日嘅地堡 反而揀喺大城市開會 其實好可能 唔係老人家唔驚死 而係玩緊一場心理戰 佢想畀全世界睇到佢依然穩如泰山 唔使好似其他大佬咁做縮頭烏龜 但係查實 雖然佢好似對外營造出一種
9:24 身負天命、好有骨氣、隨時準備做烈士嘅風範 但係暗瓦底 可能只不過係佢覺得自己比我哋所有人都聰明 佢深信 Pasteur Street 係全伊朗最安全嘅地方 因為官邸地底其實深藏住兩座極之硬淨 連鑽地彈可能都未必打得穿嘅秘密地堡 由地面落去最深嗰度分分鐘搭幾分鐘𨋢先到 佢之所以揀喺呢一個鬧市核心開會 一嚟當然係要展示權力穩定 話畀國民聽佢仲喺度執政 二嚟係佢對官邸嗰套連一格訊號都入唔到嘅屏障系統 同埋嗰班由中俄科技由頭武裝到落腳嘅保鑣非常之有信心 佢以為只要將自己收埋喺一個訊號黑洞入面 你班出面嘅人就完全吹佢唔脹啦
10:10 但係佢絕對估唔到 佢最後嗰張催命符 竟然係由佢最打得嗰班保鑣揸住私家車泊入停車場嗰一刻就已經幫佢寫好咗 根據 Financial Times 嘅資料 以色列嗰個專門搞電子戰同密碼分析嘅 8200 部隊 根本唔使同你鬥鏡頭多 佢哋玩嘅係一套軍事級 AI 邏輯 叫做 Pattern of Life POL 生活規律分析 講到呢個 POL 佢嘅祖師爺就係美軍 2017 年嘅 最初呢個計劃係由Google幫手 教AI點樣喺海量無人機片入面 自動分出邊架係平民車 邊架係敵軍車 後來因為Google嘅員工抗議 搞到公司被迫退出 當時一間好有野心嘅
10:56 AI國防新創公司Palantir 喺2019年就冷手執個熱煎堆 攞咗呢份合約 如果大家未睇 而想知道Google點樣將呢份大約 拱手相讓咗俾Palantir 等佢哋最後能夠開發出呢一套 Palantir死神演算法嘅話 可以撳右上角條link 睇返我哋之前嘅Palantir系列 講返伊朗 以色列就係將呢一套 原生嘅Project Maven 認人認車嘅邏輯 進化到去另一個階層 就係認習慣 成件事係咁嘅 以色列其實hack咗入 德黑蘭交通鏡頭好多年 啲數據全部加密傳返去特拉維夫 佢哋發現官邸附近有個停車場鏡頭 個視角啱啱好 可以睇到曬成班核心部 所以 AI 根本唔使認哈梅內伊個樣
11:43 佢只係望住班保鏢幫佢哋整曬佢哋嘅生活清單 邊個保鏢幾點鐘返工 邊個習慣泊喺邊個位 邊架車係邊個揸嘅 甚至保鏢自身嘅住址 返工嘅路線 同埋佢哋負責保護邊位高官 AI 都全部計曬數 就喺 2 月 27 號晚 美國同以色列收到風 官邸第二朝有大動作 同時以色列個 AI 系統突然之間彈通知 話今日有成 20 幾份 pattern 同平時完全唔同曬 原本散喺唔同地區 甚至放緊假嘅核心保鏢 竟然喺同一時間 集體揸住自己架私家車 出現喺官邸停車場 AI 計出呢種情況純粹係撞彩嘅機會接近零 唯一嘅解釋就係 哈梅內伊同成班首腦
12:28 而家百分之百喺入面開緊會 你睇嚇 以色列根本唔使派特工入去冒險影相 只需要等佢演出 不過喺呢度要補充返 以色列軍方有個好嚴格嘅規定 就係一定要有兩個獨立嘅高級軍官 分別透過訊號情報 例如hack咗嘅鏡頭 同埋人力情報 例如CIA嘅內線 去百分之百確認目標真係喺入面 先至可以發射導彈 喺導彈跌落嚟之前 佢哋仲hack埋入去官邸附近嘅電話發射塔 令成個區嘅通訊都塞死曬 等嗰班保鑣 就算隻眼見到天邊有個飛彈飛緊過嚟 想打電話通知老細走都打唔出 終於喺天光化日之下 30枚精準嘅導彈直接送貨入屋
13:14 將成個官邸地堡炸到變咗頹垣敗瓦 最諷刺嘅就係呢啲導彈之所以可以分毫不差咁攞你命 正正就係靠你自己開畀佢嗰條數據高速公路 大家回想下 伊朗政府辛辛苦苦又買殼又併購 仲要起埋啲深不見底嘅防彈地堡 本來係諗住用呢套天眼嚟監控國民 坐穩自己嘅江山 點知到頭嚟 居然自己做咗自己最大嘅豬隊友 睇返以色列 究竟點解可以反應得咁快呢 呢個就係2026年 現代戰爭最毛骨悚然嘅地方 以前軍方講嘅係 kill chain 殺傷鏈 由發現目標到最後撳掣 一環扣一環 層層上報
14:00 分析等將官批准 分分鐘要搞幾個鐘 甚至更耐 但係而家以色列玩嘅係進化版嘅 kill web 獵殺網 喺呢個網入面 所有嘢都係自動連結 當伊朗嗰套 find face 仲係好叻咁標籤緊邊個女仔冇戴頭巾 邊個示威者行過街嗰陣 以色列嘅 AI 系統已經反過嚟將呢啲原本用嚟對內嘅大數據 物盡其用 只要 AI 偵測到保鏢泊車規律有異常 系統就會即刻將呢份 pattern 傳去以色列軍事情報網 發現所得 成個過程再唔係慢慢傳遞 而係網格式同步爆發 唔係用鐘頭計 而係用秒嚟計 呢種就係而家嘅技術代理人戰爭 不過街坊呢度要講清楚一點 雖然 AI 已經快到咁
14:46 但係 2026 年嘅今日 AI 仲未係最後撳掣嗰個 喺以色列嘅操作入面 依然有一條好硬淨嘅 Guard Rail 就算 AI 鎖定咗目標 最終都係要經過人類情報網 例如摩薩德或者 CIA 嘅人路最後核實 確保唔會炸錯人或者炸錯地方 AI 負責揾答案 但係最後決定殺人嘅權力 目前仲留返喺人類手入面 講到呢度 大家唔知有冇諗起以前有個好經典嘅美劇叫做 Person of Interest 我都追咗幾個 Season 嘅 入面嘅 AI 可以隨時 Hack 入全城嘅鏡頭去玩獵殺 以前睇套劇嘅時候就覺得好似離我哋好遠 但係去到 2026 年嘅今日 先驚覺原來科幻片入面嘅橋段同現實 比我哋想像中真係更加接近
15:33 甚至可以話已經變成咗 避無可避嘅戰爭新常態 但係喺呢個位又有一個新問題 既然 AI 勁到咁 點解唔直接畀佢撳掣 呢個就係最近美國政府同 AI 巨頭 Anthropic 鬧到僵曬嘅原因 Anthropic 呢邊就堅持 一定要喺 AI 入面加入更強嘅道德 guardrail 甚至唔想畀軍方將 AI 直接變成全自動武器 但係軍方嗰邊就跳曬掣 佢哋話 喂 你哋知唔知你同埋其他美國嗰啲 model 已經畀中國偷曬㗎啦 佢哋轉頭就會用返呢啲技術嚟打我哋 而家你 Anthropic 竟然叫我哋 用一個加咗限速弱雞版嘅 model 去對抗人哋嗰個完全無底線 無 guardrail 嘅盜版 喂
16:18 你呢種係咩神邏輯 直頭就係叫我哋美軍去送死啦 呢場爭論反映咗一個殘酷嘅現實 喺 AI 戰爭入面 你可能就會失去速度 但係如果你追求絕對嘅力量 最終你可能會失去控制 因為數據可以係你最強嘅後盾 但亦都可以係對家最利嘅矛 就好似今次咁 當一個政權將所有資源投放喺點樣監視自己人嗰陣 佢哋偏偏就忽略咗原來背後其實有一雙更大嘅AI之眼 靜喺度靜靜咁望住佢哋 呢種螳螂捕蟬 黃雀在後嘅劇本 喺AI時代只會不斷重演 講到呢度 大家可能都覺得有啲 咦 我哋喺AI面前真係好似無曬私隱
17:05 無處可逃 不過 其實Anthropic同埋美國政府呢個爭論 反而畀咗我哋一個啟示喎 就係技術行得幾快都好啦 我哋人類依然係不斷地喺度同佢搏弈 掙扎 依然係想喺效率同埋人性中間揾到一個平衡點 有一點我哋要記住嘅 就係AI雖然可以 但係佢計唔到人類嘅勇氣同埋變數 雖然呢一股AI巨浪 而家我哋都知道係避無可避嘅 但係我反而想同大家講嘅 最危險嘅唔係科技本身 而係我哋會因為恐懼而選擇逃避 老套啲講句 水能載舟 亦能覆舟 AI係一套強大到極致嘅工具 佢可以變成最邪惡嘅監控天網
17:51 但係佢亦都可以變成推動我哋人類進步嘅引擎 既然我哋擋唔住呢一股時代嘅巨浪 咁我哋唯一可以做嘅 當然就係學識點樣乘風破浪 我哋唔需要變成AI嘅奴隸 但係一定要學識點樣同佢共存 甚至乎學識點樣將佢變成我哋嘅最佳拍檔 因為最後決定呢個世界變成點嘅 始終都係我哋每一個人嘅選擇 只有當更多有良知、有獨立思考嘅人掌握咗呢一套工具 我哋先可以喺呢一個數字中 守住最後嗰個屬於人性嘅光芒 講返轉頭 其實 AI 除咗打仗之外 都可以幾好玩㗎喎 我最近就發現咗一樣嘢 原來 AI 竟然連神算都撈埋
18:38 佢睇八字命理 紫微鬥數嘅邏輯 真係分分鐘好過你喺街邊揾個大師仲要精準 佢唔單止識八卦五行 仲識得解釋埋每個宮位代表啲咩喎 真係簡直係一個廿四小時 隨傳隨到嘅私人命理大師 所以如果你哋都想試下 我就將呢個咁好玩嘅 AI 算命 prompt 擺咗喺下面描述欄嗰度 等大家都可以攞去玩下 但係你哋又點 最近大家有冇用過 AI 嚟玩啲咩搞笑或者有趣嘅嘢 不妨喺下面留言分享下 等其他街坊都可以一齊試下玩 做人千祈唔好廿四小時都太嚴肅 一定要輕鬆下 好啦 如果大家鍾意呢啲內容嘅話 當然希望你哋能夠用你哋嘅方式去支持 YOLO 街
19:29 等更多嘅真相可以公諸於世 想更深入瞭解AI喺國防領域嘅應用，就記得未睇嘅睇返我哋之前嗰集Palantir系列 睇下呢間全球最神秘嘅大數據公司係點樣喺現實世界建立佢哋嘅戰場演算法 好啦 呢一集就講到呢度啦 下次再見啦 Bye Bye
