0:00 السلام عليكم واهلا بكم في حلقه جديده. القصه ابتدت بعربيه قايت فيها النار وست واقفه منهاره على جوزها اللي كان جوه العربيه جوزها اللي ناس كتير كانوا بيكرهوه وسمعته كانت مش كويسه ولكن مع الوقت اكتشفوا اسرار غريبه وخطه جهنميه ما تخطرش على البال. وقبل ما نبدا حبيت على السريع اشكركم واقول لكم اني قريت معظم التعليقات بتاعه الاقتراحات بتاعتكم. رايكم طبعا بيبقى مهم جدا عشان اعرف الاخطاء اللي بقع فيها وماعملهاش في المستقبل وكالعاده قبل ما نبدا ما تنسوش تحطوا لايك وتشاركوني برايكم في التعليقات وخلينا نبدا في قضيه النهارده
0:56 [موسيقى] قضيتنا النهارده هتودينا لتكساس بالولايات المتحده الامريكيه في فجر يوم 18 يونيو سنه 2004 الشرطه جالها بلاغ عن عربيه قايد فيها النار الراجل اللي بلغ كان رايح شغله وبالصدفه شاف العربيه والنار قايده فيها بشكل فظيع المطافي بسرعه راحت المكان وبداوا يطفوا العربيه في الحقيقه الطريق اللي حصلت فيه الحادثه كان طريق ضيق وفيه مطالع ومنحنيات كتير وما كانش في صوره على الطريق فكان واضح جدا ان العربيه انحرفت عن الطريق ونزلت تحت خبطت في شجره وولعت بعد ما طفوا الحريق العربيه كانت محروقه بالكامل كانت عباره عن حته خرده اصبحت هيكل عربيه ومن شده النار في اجزاء من
1:43 العربيه ساحت لما وصل المحقين المختصين بحوادث الحريق كانوا مستغربين جدا من المنظر لان الحريق اللي حصل في العربيه ده شكله مش طبيعي المهم لما قربوا من شباك السواق لقوا جثه متفحمه ولما حاولوا يطلعوها من العربيه الجمجمه كانت متفتته والجزء السفلي والعلوي من الجسم كانوا مش موجودين اصبحوا رماد المحققين كانوا اول مره يشوفوا جثه تكون اتحرقت بالشكل ده عاده في الحوادث اللي من الشكل ده الهيكل العظمي بيكون لسه سليم فكانوا مش عارفين هي ليه وصلت للحاله دي ولكن السؤال الاهم دلوقتي هو مين اللي كان جوه العربيه بعد ما سحبوا العربيه على الطريق
2:28 واحد من الضباط قدر يلاقي الرقم المتسلسل بتاع العربيه الرقم ده تقريبا بيكون موجود في شاسيه العربيه وبالرقم ده عرفوا ان العربيه كانت متسجله باسم كاسلين ليتسي وطبعا في الوقت ده الكل كان فاكر ان كاسلين هي اللي كانت موجوده جوه العربيه ولكن في الوقت ده المحققين جال لهم تليفون من القسم بيبلغوهم ان في واحده ست بتدور على ابنها الست دي اسمها لوري دانييلز لوري راحت لهم مكان الحادثه وكانت منهاره على الاخر وقالت ان ابنها كليتون دانيالز كان دايما بياخد الطريق ده عشان يروح عندها وقالت ان كليتون كان ناوي يجي لها البيت امبارح بالليل عشان ياخد منها شويه قطع غيار للعربيه وكان هيجيب لها معاه كرتونه كتب وقالت ان هو فعلا خرج من بيته
3:15 حوالي الساعه 11 بالليل ولكن ما جالهاش والصبح بدري مراته مولي دانيالز كلمت لوري وقالت لها ان كليتون خرج امبارح وما رجعش لحد دلوقتي لوري لما شافت العربيه اللي اتحرقت قالت انها شبه العربيه اللي كان سايقها كليتون وده نفس الطريق اللي دايما بياخده بعد كده لوري كلمت مولي دانيالز مراه كليتون وقالت لها على اللي حصل فمولي بسرعه راحت مكان وقالت ان كليتون فعلا كان سايق عربيه شوفورليه موديل 1999 وقالت ان صاحبه العربيه اسمها كاسلين وانها كانت مدياها المولي عشان تستخدمها فكده بقى واضح جدا ان اللي كان جوه العربيه هو كليتون دانيز لما المحقق قال لمولي ان اللي كان سايق العربيه اتوفى مولي انهارت هي كمان
4:03 وقعدت تعيط فالمحقق قال لها احنا لسه قدامنا شغل كتير عشان نقدر ناكد ان اللي كان في العربيه ده فعلا كليتون وبداوا يدوروا في احتام العربيه على اي حاجه تثبت ان ده كان فعلا كليتون وبالفعل لقوا شويه حاجات في العربيه بتثبت ان هو لقوا على الارض ناحيه الكرسي اليمين بقايا كتب محروقه ولقوا كمان كاب وبقايا ملابس وحذاء ومولي قالت ان ده فعلا اللبس اللي جوزها كان لابسه لما خرج ليلتها من البيت وهنا كلهم اقتنعوا تماما ان اللي كان في العربيه هو فعلا كليتون طبعا مولي كانت متدمره تماما ولكن قدرت تتملك نفسها وتتكلم مع المحققين عن جوزها كليتون فعرفوا ان مولي وكليتون كانوا لسه في بدايه حياتهم هي كان عندها 20 سنه وهو كان
4:50 عنده 23 سنه وكانوا عايشين في مدينه صغيره جنب اوستن بتكساس كليتون كان اصلا ميكانيكي ولكن وقت الحادثه ما كانش بيشتغل اما مولي فكانت سكرتيره في شركه مقاولات وكان عندهم ولد وبنت ولكن مع الاسف مولي دلوقتي بقت ارمله وهي عندها 20 سنه بس وكمان معاها طفلين هتربيهم لوحدها بعد كده المحققين سالوا مولي اذا كان كليتون شرب كحول قبل ما يخرج من البيت ولا لا لان ممكن يكون مثلا كان سكران وهو سايق العربيه فعمل الحادثه فمولي قالت ان هو كان بيشرب احيانا ولكن الليله دي تحديدا ما كانش شارب وكان خارج وهو فايق فدلوقتي احتماليه ان هو عمل حادثه بسبب شرب الكحول بقت مستبعده فبداوا يدوروا حوالين مكان
5:37 الحادث على اي دليل يفسر اللي حصل زي مثلا علامات كاوتش على الارض من فرمله مفاجاه ولكن الغريب ان ما كانش في اي علامات على الاسفلت توحي ان العربيه فرملت فجاه مثلا او انها فقدت السيطره او حاولت تتفادى حاجه فانحرفت عن الطريق فما كانش عندهم غير تفسير واحد للموضوع ده وهو ان احتمال يكون نام وهو سايق او حصلت له ازمه صحيه مفاجاه وفقد السيطره فعمل الحادثه فبصوا ثاني حوالين مكان الحادث حادث في النباتات في شكل الارض واللي كان واضح ان العربيه ما نزلتش تحت بالعكس دي نزلت ببطء لو كانت نازله بسرعه كنت هتلاقي الارض متدمره اكت من كده والحجاره متكسره طب ازاي عربيه
6:23 نازله ببطء كده والتصادم مش قوي وتتحرق بالشكل الرهيب ده وهنا بدات الشكوك تكبر والاسئله تكتر هل دي كانت فعلا حادثه ولا في حاجه اكبر ورا الموضوع ده الشرطه كان عندها امل ان التشريح يفيدهم في حل اللغز ده ولكن مع الاسف الروفات كانت محروقه بشكل كبير واللي باقي منها كان قليل جدا كلها على بعضها كانت حوالي 5 كيلو بس ولما الطب الشرعي بدا في التشريح ما كانش في اسنان او اي حاجه يقدروا يستخدموها عشان يتعرفوا عليها ولكن لقوا حته صغيره جدا من نسيج الرئه وزي ما انتم عارفين في الحرايق السبب الرئيسي للوفاه بيكون اختناء ناء من دخان الحريق يعني الطبيعي اننا نلاقي اثار
7:10 دخان او سخام جوه الرئه ولكن المفاجاه ان لما الطبيب الشرعي فحص البقايا ما لقاش اي اثر للدخان وده معناه ان الشخص ده كان متوفي قبل ما العربيه تولع فدلوقتي اصبح في احتمال ان يكون كليتون دانيالز اتقتل وهنا بداوا يراجعوا كل حاجه من الاول ثاني وبداوا يتحروا اكت فاكتشفوا ان كليت عنده بوليس التامين على الحياه ب 100000 دولار ويا ترى مين المستفيد من التامين؟ مراته مولي دانيز طبعا المحققين راحوا يسالوا مولي عن الموضوع ده فهي كانت متضايقه جدا من اسئلتهم وكانت مش فاهمه هم ليه مش عايزين يقفلوا القضيه على انها مجرد حادثه فكلامها ده خلاهم يشكوا فيها
7:58 اكتر ولكن في النهايه كل دي مجرد شكوك ويمكن يكون في سر هو السبب ورا اللي حصل وبما اني انا قلت الجمله دي يبقى اكيد في سر تاني المهم المحققين سالوا الطبيب الشرعي هل في اي تفسير ثاني ممكن يخلي الرئه ما يبقاش فيها دخان فالطبيب قال ممكن ولكن نادر جدا انه يحصل ودي بتبقى حاجه اسمها فلاش فاير بمعنى ان لما الحريق بيحصل بسرعه وبسبب الحراره المفاجاه ممكن الحنجره تقفل تلق تلقائيا وجسم الانسان يكون بيحاول يمنع الحراره من دخول الرئه وساعتها الشخص ده ممكن يختنق من غير ما
8:43 يستنشق الدخان ولكن في الوقت ده التقرير الرسمي بتاع الطب الشرعي كتب ان سبب الوفاه غير محدد ولغايه دلوقتي لسه ما تاكدوش ان الروفات دي فعلا لكليتون دانيز والطريقه الوحيده اللي تقدر تثبت بيها هويه الشخص اللي كان في العربيه هو تحليل الدي ان ايه ولان الرفات ما كانش فيها دم فاخدوا عينه من منطقه الورك وطبعا كانوا محتاجين عينه من حد من قرايبه عشان يقارنوها بيه فاحسن حد كان عندهم مامته فطلبوا منها تديهم عينه دي ان ايه وبعد ما بعتوا عينه الدي ان ايه للتحليل المختبر قال لهم ان النتائج دي هتاخد شهور على ما تكون جاهزه وفي الوقت ده كان عدى ثلاث ايام على الحادثه والمحقق المسؤول عن
9:29 الحرايق قرر ياخد نظره ثانيه على حطام العربيه فالمحقق قال ان عاده العربيه بعد الحريق بيفضل فيها بقايا من بطانه الكراسي حتى لو كانت اجزاء صغيره ولكن في الحريق ده العربيه كانت عباره عن هيكل معدن الحاجه الثانيه ان عاده الجسم لما بيتحرق بيكون لسه فيه شويه سوائل شويه جلد ولكن هنا لا في سوائل ولا في دهون ودي كانت حاجه مش طبيعيه لان عشان الجثمان يوصل بالشكل ده الموضوع محتاج حراره عاليه جدا لمده ثلاث ساعات متواصله وعاده عاده حرايق العربيات مش بتوصل للحراره دي للمده الطويله دي وكمان لما دوروا على مصدر الاشتعال لقوا ان المحرك كان سليم وما كانش فيه اي عطل ميكانيكي يكون السبب في
10:15 الحريق وعاده الحرايق بتبدا من المحرك وبعدين بتنتقل لباقي العربيه ولكن اكتشفوا ان الحريقه بدات من جوه العربيه ولان الحريقه كانت ضخمه جدا فده معناه ان اكيد كان في كميه كبيره من البنزين وطبعا الطبيعي انه هيكون جاي من تنك البنزين ولكن اكتشفوا ان الحريقه ما وصلتش لتنك البنزين وحتى كمان التانك ما انفجرش. طيب دلوقتي لو تنك البنزين مش هو مصدر الاشتعال طب ايه المصدر؟ عشان يعرفوا اخدوا عينات من اماكن مختلفه من جوه العربيه وبعتوها للمعمل الجنائي عشان يعرفوا سبب الاشتعال وفي الوقت اللي مستنيين فيه نتائج التحاليل الناس كلها كانت بتواسي مولي على جوزها اللي راح في
11:02 عز شبابه ووقتها المحققين لاحظوا انها علقت ورق على سوربتها وبتقول فيه انها ارمله جديده وعندها طفلين وظروفها صعبه ومحتاجه حد يساعدها عشان ياخد باله من ولادها لما تروح الشغل وفعلا كان في واحده طيبه جدا من الجيران شافت الاعلان وقررت انها تقعد مع ولادها ببلاش وفي الحقيقه ان الناس كلهم كانوا عايزين يساعدوها باي طريقه وزمايلها في الشغل كانوا واقفين جنبها وكانوا بيشتروا لها الاكل ويحطوا لها الاكل في الثلاجه وكانوا كمان بيدفعوا لها فواتير الكهرباء والميه والحسن حظ مولي ان اهل المدن الصغيره في تكساس معروفين انهم بيحبوا يقفوا جنب ببعض وده ساعدها قوي في المحنه بتاعتها وفي يوم 22 يونيو المعمل الجنائي بعت نتائج تحليل
11:47 العينات اللي اتجمعت من العربيه فكان في عينه منهم كانت قرب باب السواق فالعينه دي طلع فيها اثار لساء الولاعه وهنا المحققين بقوا متاكدين ان الحريقه دي ما كانتش مجرد حادثه ده حد ولع النار بالولاعه وطبعا السؤال المهم هنا مين له مصلحه في قتل كليتون وليه هل ممكن تكون مثلا مراته عشان تاخد فلوس بوليسه التامين على حياته وهنا ابتدى المحققين يعرفوا تفاصيل اكث عن كليتون وفي ناس اتصلوا بيهم وقالوا هو انتم مش عارفين كليتون عمل ايه قبل كده وقالوا ان الراجل ده ليه اعداء كتير وهنا عرفوا ان كليتون كان متهم في قضيه اعتداء
12:36 على بنت قصر والمحاكمه بتاعته كانت قبل الحادثه ب 10 ايام بس واتحكم عليه بالسجن 30 يوم وكان المفروض يروح يسلم نفسه ويدخل السجن بعد تاريخ الحادثه بست ايام بس وعرفوا كمان معلومه مهمه جدا عرفوا ان بعد النطق بالحكم في المحكمه عيله البنت كانوا في حاله غضب شديده ويقال انهم كمان هددوا كليتون بالقتل الكلام ده خلى المحققين يبصوا على القضيه من زاويه مختلفه تماما هل ممكن يكون ماضي كليتون السيء هو السبب في حادثه العربيه؟ لما المحققيين بداوا يقلبوا اكتر في قضيه الاعتداء اكتشفوا ان وقتها كليتون
13:21 كان عنده 16 سنه ولكن القضيه اترفعت مؤخرا لما البنت كبرت وحكت اللي حصل وطبعا اكث حد كان متعصب هو والد البنت وده طبعا شيء طبيعي وطبيعي ان باباها يفكر ينتقم منه فالمحققين اتكلموا مع والد البنت وحققوا معاه ولكن طلع عنده حجه غياب قويه جدا ولذلك استبعدوه كمشتبه فيه ورجعوا ثاني لنقطه الصفر وما فيش عندهم اي خيوط جديده فقرروا يبصوااني على مولي ويدققوا اكت في كلامها وقصتها فراحوا لبيت مولي وبداوا يتكلموا معاها فبدات تحكي لهم معلومات اكث عن حياتهم وقالت ان كليتون كان عنده مشكله مع المخدرات وانها كانت قايله يتبطل يا
14:08 هاخد العيال وامشي وقالت ان هو كمان كان عنده قضيه وكانت مضايقاه قوي وكان خايف ان هو ما يقدرش يشوف ولاده ثاني بسببها وهنا موليي زي ما يكون كانت بتلمح ان ممكن يكون كليتون انهى حياته من كتر الاكتئاب اللي كان عنده بسبب القضيه ولكن المحققين كانوا مستغربين جدا لكلامها لان نادرا حد يكون عايز يخلص من حياته يختار الطريقه دي موضوع الحريق ده يعني موضوع مؤلم كمان المحققين كانوا ملاحظين انها بارده جدا وهي بتتكلم عنه فكانوا مستغربين لتصرفاتها ورده فعلها فلما سالوها هو انت مش باين ليه علي انك حزينه فردت وقالت كل واحد بيحزن بطريقته وانا ما بحبش اظهر مشاعري قدام الناس مولي كمان كانت متعصبه جدا من
14:55 كتر الاسئله بتاعتهم وكانت مش فاهمه هم ليه مش عايزين يقفلوا القضيه والموضوع يخلص ولذلك المحققين زادت شكوكهم اكت فيها خصوصا كمان انها تحول ولت بسرعه جدا من الست الحزينه على جوزها لواحده عندها لا مبالاه وبرود رهيب جدا وكل همها انهم يقفلوا القضيه فقرروا يتحروا اكت عن حالتهم الماليه فهم عارفين ان في بوليس التامين على حياه كليتون دانييلز ب 100000 دولار ولكن اكتشفوا ان شركه التامين رافضه تدفع الفلوس لحد ما تحليل الدي ان ايه يثبت ان الرفات فعلا لكليتون دانييلز والشيء مريب ان شركه التامين قالت ان مولي كانت بتلح بشكل مبالغ فيه عشان تخلص
15:41 الاجراءات بسرعه وتاخد الفلوس وطبعا الكلام ده خلى الشك يزيد فيها اكت وان مولي ممكن تكون ليها علاقه باللي حصل لجوزها وهنا قرروا يحطوها تحت المراقبه الغريب كمان ان عيله مولي نفسها بدات تلاحظ حاجات مريبه واختها ميسا راحت تبلغ المحققين اختها قالت انها كانت بتزور مولي في البيت ولما دخلت غرفه النوم عندها شافت راجل نايم جوه الدولاب فراحت قالت لمولي فمولي ردت عليها وقالت لها استني هنا شويه خليني اروح اشوف فدخلت وفتحت الدولاب وبدات ترتب فيه وعلقت شويه بنطلونات على الشماعه وخبت اللي كان ظاهر وراحت قالت لاختها انت اكيد كنت بتتخيلي دي بس شويه
16:27 هدوم نازله على شويه احذيه ولان المحققين شاكين في مولي زائد الحكايه اللي اختها حكتها فقرروا انهم يتكلم كلموا مع جيران مولي وكان عندهم امل انهم يلاقوا معلومات عن الراجل الغامض اللي كان نايم في الدولاب بتاعها فواحد من الجيران قال ان مولي بدات تواعد واحد جديد اسمه جيك وانه بدا يعيش معاها في البيت بعد حادثه جوزها باسبوعين اثنين بس وواحد ثاني من الجيران قال انا مش بحب احكم على الناس بس بالنسبه لي الموضوع ده مش طبيعي ازاي بالسرعه دي نسيت جوزها فالمحققين بداوا يربطوا كل المعلومات اللي عندهم مع بعض الراجل اللي في الدولاب حبيبها الجديد بولصه التامين وهنا طلعوا بسؤال مهم هل
17:14 ممكن تكون مولي وحاببها الجديد جيك اتفقوا مع بعض انهم يخلصوا على كليتون ودلوقتي بقوا عايزين يعرفوا ايه حكايه الراجل الجديد اللي اسمه جيك ولكن قبل ما الشرطه تبدا تحقق بجد في موضوع جيك جال لهم نتائج الدي ان ايه بعد ست شهور من الحادثه والنتيجه كانت مفاجاه مذهله العينات اللي اتبعت كانت مش متطابقه مع كليتون دانيز والادهى من كده ان الجثه اللي اتحرقت كانت لانثى النتيجه كانت صدمه للناس كلها وهنا التحقيق اتقلب راسا على العاقب فدلوقتي لو الرفات اللي كانت جوه العربيه مش لكليتون دانيز طب فين كليتون
18:00 اصلا ومين الست اللي كانت جوه في العربيه الكل كان تايه وما حدش كان فاهم حاجه فبداوا يراجعوا ملفات الاشخاص المفقودين ويشوفوا لو في حد اختفى في الفتره دي ويحاولوا يربطوا الاحداث ببعض ويعرفوا مين الست اللي توفت بالطريقه الفظيعه دي طبعا الموضوع كان صعب جدا كانهم بيدوروا على ابره في كوم قش ومع الاسف ما قدروش يلاقوا اي ست اختفت في المنطقه خلال الوقت ده وبالتالي ما عرفوش يحددوا هويتها ولكن بعد فتره قصيره لقوا خيط جديد يخص الراجل الغامض اللي مولي بتوعده طبعا هم كانوا بيراقبوا بيت مولي فالمحقق اللي كان بيراقب البيت شاف راجل طالع من البيت مع مولي وبعدين دخلوا
18:45 البيتاني مع بعض فالمحقق كان شاكك ان هو شاف الراجل ده قبل كده لدرجه ان هو شك ان ممكن يكون جيك هو نفسه كليتون دانيز وهنا المحققين بقى عندهم حاله حيره مش طبيعيه لما اكتشفوا ان الراجل الجديد اللي مولي بتوعده شبه جوزها بشكل رهيب. الشرطه كانوا مش بس بيراقبوا بيت مولي لكن كمان مكان شغلها فشافوا مولي وهي خارجه من شغلها وسقت عربيتها لحد مكان ثاني ركنت ونزلت من العربيه وركبت عربيه ثانيه كان سايقها راجل والاثنين راحوا سوا المطعم فالمحقق اللي كان بيراقبهم طلب دعم لما وصل الدعم دخلوا المطعم وواحد من الضباط كان عارف شكل كليتون وشاف الراجل اللي كانوا شاكين
19:31 انه كليتون فالضابط راح له وساله هو انت كليتون داني ز فالراجل طلع رخصه السواقه بتاعته وقال له اسمي جيكوب الكسندر وقال له ان هو مش كليتون وان هو مجرد صديق لمولي لما الضباط راجعوا الرخصه اتفاجوا انها فعلا حقيقيه الرخصه دي كانت فعلا طالعه من ولايه تكساس وباسم جيكوب ولكن المحقق كان شبه متاكد ان ده كليتون دانييلز وبناء على الشك بتاعه قرروا انهم يقبضوا على الاثنين جيك ومولي في الحقيقه جيك استسلم بكل سهوله ولكن مولي انفعلت جدا واتعصبت وقالت انتوا ازاي تقبضوا عليا؟ انا ما عملتش حاجه الاثنين بعد ما اتقبض عليهم رفضوا انهم يتكلموا ولكن مع شويه تحريات بسيطه اتاكدوا ان جيك هو فعلا
20:17 كليتون دانيالز بس هو كان مغير شويه في شكله كان سابغ شعره ولابس دقن يعني كان بيحاول يتنكر بس التنكر بتاعه يعني كان على قد حاله شويه طبعا المفاجاه كانت كبيره للكل كليتون فابرك موضوع الحادثه وهو في الحقيقه كان لسه عايش لكن السؤال المهم دلوقتي هو ليه عمل كده؟ ومين الست اللي كانت جوه العربيه؟ وهل ممكن يكون كليتون قتلها وحطها مكانه في العربيه؟ في الحقيقه كليتون ومولي كانوا رافضين ان هم يعترفوا وفي الوقت ده مولي كان مقبوض عليها بتهمه اخفاء مجرم هارب ولكن بعد فتره قصيره المحامي بتاع مولي كلم المحققين وقال ان مولي عايزه تعترف بالحقيقه مولي قالت ان
21:05 جيك هو فعلا كليتون بس انا ما كنتش اعرف اي حاجه عن الموضوع هو ظهر فجاه بعد الحادثه بحوالي شهر وقالت ان ده كل اللي تعرفه وما تعرفش هو نفذ الخطه ازاي بس دلوقتي هي تعتبر ما جاوبتش على اهم سؤال مين الست اللي كانت في العربيه وايه حكايتها بالظبط في الحقيقه اجابات الاسئله دي كلها جت لهم لغايه عندهم من مصدر ما كانش يخطر على البال كليتون وهو في السجن كان بيتكلم مع السجين في الزنزنه اللي جنبه. السجين ده قال ان كليتون كان بيحكي عن اللي عمله وهو فخور جدا بنفسه وكانه عمل انجاز رهيب في حياته. فكليتون قال له ان هو كان عنده مشكله كبيره جدا وعنده قضيه وكان عايز يختفي من الحياه فنبش قبر
21:51 وطلع جثه واستغلها في خطته وخلى الكل يفتكر ان هو توفى. طبعا خطه في منتهى الدناء وفي نفس الوقت شريره جدا المهم المحققين رجعوا لمولي تاني عشان يتكلموا معاها ولكن المره دي لما ضغطوا عليها مولي اعترفت ان كليتون قال لها على اللي عمله وقالت لهم على مكان المدافن اللي جاب منها الجثه وبالفعل راحوا هناك ولقوا قبر شكله مش طبيعي وكان واضح ان هو اتفتح وكان واضح كمان ان القبر ده لواحده ست وفعلا لما حفروا اول حاجه لاحظوها ان غطا التابوت كان مكسور ولما فتحوه التابوت كان فاضي في اللحظه اللي فتحوا فيها التابوت الكل كان حاسس بالحزن والاسى ازاي حد يتجرا يعمل
22:38 كده المهم عشان يتاكدوا ان الجثه اللي كانت في العربيه هي فعلا نفس اللي كانت في التابوت ده خدوا المخده اللي كانت جوه التابوت وبعتوها لتحليل الدي ان ايه ولما عملوا التحليل طلع متطابق للروات اللي كانت في العربيه القبر ده كان لوحده واحده اسمها شارلوت ديفس ست عندها 81 سنه اتوف قبل الحادثه المتفبركه بحوالي ست شهور والست دي كانت بتعاني من اعاقه ذهنيه وعاشت طول عمرها تقريبا في دار الرعايه وما كانش بيجي لها زوار كتير المحقق لما راح دار الرعايه اللي كانت شارلت عايشه فيها قالوا له انها كانت بتترعب جدا من النار وكانت دايما تقول انها مش عايزه تتحرق لما تموت عارفين انتم بيبقى في
23:25 طريقه كده للدفن بدل ما بيدفنوهم بيحرقوهم هي ما كانتش عايزه يتعمل فيها كده العاملين كمان في دار الرعايه قالوا انها وقت ما توفت جمعوا فلوس من بعض عشان يشتروا لها تابوت محترم ويدفنوها وكانوا كلهم فرحانين وقتها انهم قدروا يعملوا لها جنازه محترمه تليق بيها لكن لما عرفوا ان في حد طلعها من قبرها واستغلها في الخطه البشعه دي كانوا كلهم مصدومين وزعلانين جدا واللي زعل اكت ان اكت حاجه الست دي كانت خايفه منها هي النار فيجي واحد زي كليتون ويعمل فيها كل ده حاجه فعلا تزعل دلوقتي التابوت الفاضي كان دليل قوي على كليتون ولذلك اعترف بكل حاجه وان هو اللي طلع شارلوت وهو اللي ولع
24:12 النار في العربيه ولكن التحقيق لسه ما خلصش لانهم كانوا مقتنعين ان كليتون ما اشتغلش لوحده وان مراته مولي ساعدته ولكن كانوا محتاجين يثبتوا ده فراحوا لمكان شغل مولي واخدوا الكومب الكمبيوتر اللي كانت بتستخدمه هناك وبعتوا الجهاز لمعمل تحليل الادله الجنائيه عشان يشوفوا عليه ايه وفعلا قدروا يشوفوا كل حاجه مولي كانت بتدور عليها اون لاين وقت ما الحادثه حصلت فاكتشفوا انها كانت بتدور اون لاين على حاجات زي عربيه لما تولع توصل حرارتها لكام ازاي اتخلص من جسمان من غير ما يفضل فيه اي دي ان ايه ازاي اعمل هويه مزوره ورا ازاي ابحث عن بيانات ناسفت المحققين
24:59 واجهوا مولي باللي عرفوه وقالوا لها احنا شفنا كل حاجه كنت بتدوري عليها اون لاين وهنا مولي انهارت واعترفت بكل حاجه وانها كانت شريكه في التخطيط للجريمه وانها ساعدت كليتون يعمل هويه مزيفه باسم جيك وقالت ان كليتون دانيالز راح للمقابر واختار قبر لحد مش بيجي له زوار كتير وده عشان ما حدش يلاحظ ان التابوت اتفتح ولما لما طلع شارلت لبسها هدومه وحطها في العربيه وولع فيها واخيرا كليتون ومولي دانييلز اتوجه لهم اتهامات بالحرق العمد وانتهاك حرمه المقابر ومولي اتوجه لها كمان تهمه التستر على مجرم زائد كمان ان كليتون كان عليه من البدايه التهمه
25:45 القديمه بتاعه اعتداء على بنت ولان الادله كانت قويه جدا فالاثنين قرروا انهم يكروا بالذنب لكن لا مولي ولا كليتون ظهروا اي ندم على اللي عملوه ومن اكث الحاجات الغريبه جدا ان مولي قالت لابنها اللي عنده اربع سنين ان الراجل الجديد اللي بيدخل البيت هو اه شبه بابا بالظبط الخالق الناطق بس ده مش بابا وقالت له بابا في السما والراجل ده اسمه جيك المهم لما مولي طلعت على المنصه تشهد في المحكمه كان عندها كميه برود ولا مبالاه مش طبيعيه وقالت انتم عاملين كل ده عشان واحده اصلا ميته في النهايه كليتون اتحكم عليه بالسجن 30 سنه ومولي اخذت 20 سنه وفي سنه 2010
26:31 مولي وهي في السجن طلبت الطلاق من كليتون وفي سنه 2016 مولي خرجت من السجن بعد 12 سنه حبس اما كليتون فلسه لحد النهارده في السجن حكم الادانه في قضيه الاعتداء خلى كليتون يفبرك القصه بتاعه الحادثه وكانوا هم الاثنين فاكرين انهم يقدروا يبداوا حياه جديده وياخدوا كمان بوليسه التامين على الحياه ولكن دلوقتي كليتون محبوس ومولي اتسجنت وخرجت منه مطلقه ولكن كان في لسه خيط اخير في القضيه شارلوت ديفيس الست المسكينه اللي جثمانها اتسرق الست دي كانوا محتاجين انهم يدفنوها ثاني فمامور القسم والمحققين والعاملين هناك اشتروا تابوت جديد لشارلت وكل المحققين اللي
27:17 اشتغلوا على القضيه حضروا الجنازه الثانيه ودفنوها بس كده واحب اعرف رايكم في القضيه بتاعه النهارده واشوفكم على خير في حلقه جديده مع السلامه.
