0:00 سؤال بيطرح نفسه هو في عدد سنوات معين اقدر احدد بيه اذا كنت انا سينيور انجينير ولا لا موضوع كبير وعامل ازمه كبيره تقريبا لكل الناس اللي شغاله في مجال السوفت وير ولكن قبل ما اجاوبك على السؤال ده خليني افهمك اصلا هو يعني ايه ان انت تكون سينيور انجينير بص يا سيدي مبدئيا ده مصطلح بيطلق على كبير المهندسين مش في مجال البرمجه بس ولكن في اي مجال هندسي الراجل ده بيكون مهندس ذو خبره ومعرفه واسعه في مجاله عاده قضى عده سنوات في العمل الفعلي في مجاله قبل ما يبقى سينيور علشان كده يقدر يكون قائد فني ضمن الفريق علشان الراجل ده كميه المشاكل اللي مر بيها طول سنين خبرته بتخليه عنده خبره
0:48 كبيره على حل المشكلات المعقده فيقدر يوجه الفريق نحو تحقيق الاهداف التقنيه وغالبا بيكون عنده حلول لمعظم المشاكل اللي بتواجه التيم وهو شغال علشان كده الراجل ده في الحقيقه يقدر يعتمد على نفسه تماما في عمليه انشاء السوفت وير لو المشروع ما كانش عملاق وممكن كمان ما يحتاج تيم معاه لو المشروع مش مستاهل وخلينا نكون متفقين مع بعض ان انت في البرمجه علشان تبني اي سوفت وير صح بتمر بمراحل اللي هي بنسميها السوفت وير ديفلوبمنت لايف سايكل او اللي بنسميها الاس دي ال سي اللي هي بتبدا من عمليه البلانينج او التخطيط بعد كده بتمر بمرحله الديزاين او التصميم بعدين مرحله الامبيشن او التنفيذ وبتنتهي في الاخر
1:35 بمرحله الفيدباك انك بتعمل تيستنج او اختبار ومراجعه للشغل اللي انت نفذته علشان لو في حاجه عاوزه تعدل سواء في كتابه الكود نفسه او تحسينات في الاداء وهكذا وبترجع السايكل تستمر تاني وهكذا طيب السينيور سوفت وير انجينير بقى في رايي انه بيكون عنده القدره ان هو يتحكم في اللايف سايكل دي كلها ويقدر يطلع منتج كامل بغض نظر عن عدد سنوات الخبره والنقطه دي هجيل لها بعد شويه واقول لكم رايي فيها طيب انا دلوقتي كسيني انجينير لما باجي ابني سوفت وير من الصفر فانا اقدر احط تصور للسوفت وير ده المفروض يتم ازاي الداتا او البيانات في السوفت وير ده هتفل ازاي او هتتنقل وتروح وتيجي ازاي سواء
2:22 هتيجي من بره التطبيق بتاعي او ما بين كل جزء من اجزاء التطبيق بتاعي بمعنى ان انا قادر على تمثيل الديجرام او الخريطه الكامله للداتا او الخريطه الكامله للداتا فلو خلال الابلكيشن بتاعي يعني مثلا مثال بسيط انت بتخش مثلا على صفحه ويب معينه ومنها ممكن تتنقل تروح لصفحه ثانيه او صفحه ثالثه او صفحه رابعه وهكذا الهدف بقى من انك بتتنقل ما بين الصفحات دي يا معلم هو انك في الحقيقه تحصل على معلومات او داتا من الابلكيشن ده في شكل معين عن طريق اكشن معين سواء بقى كنت بتضغط على زرار معين او بتعمل انتراكشن معين وهكذا فهو السوفت وير انجينير السينيور ده يقدر ان هو يفهم ويستوعب بالظبط ايه اللي يقدر
3:08 يوجده هنا في اللحظه دي علشان يقدر يحقق احسن داتا فلو في الابلكيشن علشان ما يتقلش الابلكيشن مثلا ويجيب لك بيانات مالهاش لازمه وفي نفس الوقت يجيب لك كل الداتا اللي انت عاوزها في اللحظه دي فهو عنده القدره طبعا على ان هو يطلع دايا جرامز او ان هو يعمل دكومي شنز او يقدر ان هو يوثق او يوصف كل جزئيه من السوفت وير ده بتعمل ايه وفايدتها ايه بالظبط ده لان انت اللي بتتعامل معاه في الشركه مثلا مش ناس اصلا تكنيكال يعني الناس دي ما عندهاش خبره او خلفيه برمجيه اطلاقا هو كل اللي في الموضوع ان هو عنده مشروع او فكره ويقدر ان هو يمول المشروع ده وبيجيب ك انت بقى كسيني انجينير فسواء هيمسك المشروع لوحدك من الالف للياء او هيجيب لك تيم
3:55 يشتغل معاك فهو في الاول وفي الاخر الراجل اللي هو مسؤول عن البزنس ده واللي احنا بنسميه السي ليفل فكل اللي يهم الناس دي هو ان المشروع يمشي كويس ويقدر ان هو يحقق نجاح علشان في الاخر خالص الفلوس اللي هيصرف على المشروع ده تجي له ترجع له ثاني كعائد استثمار من اللي هو دفعه فانت ما ينفعش يا ريس تشغل باله بمصطلحات فنيه مالهاش لازمه وده خد بالك بيبقى واحد على فكره من التحديات الصعبه اللي بيمر بيها اي سينيور انجنير شاطر ان هو يعرف رف يمثل الحاجات التكنيكال الصعبه دي الدا جرامز والحاجات الفنيه الصعبه دي في شكل غير تكنيكال بسيط يقدر انه يفهمه الناس اللي هي ما عندهاش خبره تكنيكال طيب خد بالك
4:41 احيانا بيجيلك انت كسيني انجينير علشان تحل لله مشاكل في سيستم موجود بالفعل فانت مش هتبني لسه ولكن مجرد ان انت هتشوف المشاكل وتحلها وتوجد لها حلول فخد بالك ان انت الحلول اللي انت هتجد للمشاكل دي ممكن يكون ليها سايد ايفيكتس او اثار جانبيه ثانيه ممكن تيجي نتيجه حل معين فتبدا ان انت بخبرتك تقول لهم بس خلي بالكم يا جماعه لو حلينا الحته دي بالطريقه دي فالحل ده مش هيبقى مناسب وممكن احل حل بطريقه ثانيه او بشكل اخر فالموضوع بيبقى فيه تحديات او مستوى عالي جدا من التعقيد والاثار الجانبيه اللي ممكن تحصل من التعديلات خصوصا في الانظمه الكبيره القائمه بقى لها فتره بالفعل فدور
5:26 السينيور انجنير هنا بقى بيبقى حساس جدا فهو واحده واحده بيبدا يدرس كل مشكله بالتدريج وبيبدا يشوف الحلول المختلفه والحاجات اللي احنا بنيناها دي الجديده دي ما عملتش مشاكل جانبيه تدمر مثلا حاجات ثانيه موجوده اوريدي في السيستم شغاله بالفعل فالموضوع مش مجرد ان انا باجي اضيف ميزه جديده او اعدل في حاجه وامشي لا الموضوع اعقد من كده بكتير طيب مش معنى الكلام اللي انا بقوله ده ان السينيور انجينير ده راجل بيرفكت او ما بيغلطش في كتابه الكود مثلا او ما بيطلعش باجز مثلا الدنيا ممكن تضرب معاه عادي جدا ولكن هو بس ممكن يكون عنده نسبه ثقه عاليه وده من كتر ما جرب وتعلم علشان كده ما تخافش ان انت تغلط ما تخافش ان انت تجرب ما تخافش ان انت تتعلم لان ما فيش حد بيوصل لمرحله
6:14 كده ويقول لك خلاص يا معلم انا بقيت وصلت لمرحله السينيور ليفل انجنير اللي يقول لك كده اعرف على طول ان هو مش سينيور وعمره ما هيبقى سينيور وعمره ما هيفكر بعقليه السينيور لان ما حدش في مجال البرمجه يقدر يتمكن من كل حاجه فهو ممكن يكون مكتسب خبره في دومين معين او مجال معين واللي هو بنسميه الدومين اكسبرت يعني ممكن يبقى سينيور كويب ديفلوبر مثلا ممكن يبقى سينيور في الموبايل ديفلوبمنت فالراجل ده ممكن يبقى عنده خلفيات كويسه في الدومين ز الثانيه لان في اساسيات كتيره مشتركه بس هو ما يقدرش ان هو ياخد قرارات مثلا حاسمه في الويب زي الراجل اللي تخصص في الويب وشغال بقى له 10 او 15 سنه مثلا كمان السينيور انجينير وده شيء اساسي المطلوب
7:00 منه انه يكون عنده خبره كويسه جدا في التعامل مع الادوات المستخدمه اللي هي مالهاش علاقه مباشره بكتابه الكود او بتطوير الابلكيشن نفسه حاجه مثلا زي الدوكر مثلا ازاي تقدر تستخدمه علشان تعمل بيه البيمنت مثلا وتطلع الابلكيشن بتاعك للنور مثلا حاجه زي الجيت والمنصات الاونلاين كلها بتاعه الجيت زي الجيت هاب مثلا اتعاملت مع الحاجات دي كلها وعندك خبره فيها ولا لا فمهارة عفها غير طبعا مهارتك الاساسيه في الادوات واللغات واطر العمل المستخدمه في المشروع بتاعك طيب نيجي بقى لحته ايه هي عدد السنوات وده بقى السؤال الفيصل بتاع الموضوع هل عدد سنوات معين انا محتاجه علشان اوصل ابقى السينيور انجنير ولا لا
7:47 الاجابه البسيطه والتقليديه اللي هتسمعها من ناس كتير انه ما فيش عدد سنوات معين ولكن خليني اكون صريح معاك اكت من كده شويه بص يا سيدي ما ينفعش بالمنطق كده او بالعقل بناء على اللي انا قلته واللي انت سمعته مني في الفيديو ده ان انت تبقى لسه متخرج بقك سنه او سنتين من الكليه وتقول لي انا حاسس ان انا بقيت سينيور انجنير هقول لك لا صعب صعب خلال سنه تكون جمعت المعرفه الكافيه او اشتغلت في مشاريع برمجيه كبيره تكون فعلا خدت منها الخبره اللي تخليك تمكنت من الدومين اللي انت تخصصت فيه صعبه قوي او مستحيله زي فكره بالظبط كده الدكتور اللي لسه متخرج بقى له سنه ويقول لك انا بقيت دكتور استشاري فكده الشخص ده بيهزر فلازم تكون مديت ايدك شويه
8:35 وشمرت ودخلت وكتبت كود والكود ضرب منك وباظ وعملت مشاريع كتير وشديت في شعرك كتير لحد ما شعرك كله وقع تقريبا وبعدين تيجي تقول لنا القرعه دي مش من فراغ يا جماعه طبعا انا بهزر ولكن في ناس هتلاقيهم بيقول لك ان انت ممكن بعد ثلاث سنين مثلا خبره تبقى سينيور لو كنت مجتهد شويه وبتاع ولكن خليني افاجئك دلوقتي بوجهه نظري المتواضع اللي ممكن تزعل مني ناس كتير وهو ان انت على الاقل في البرمجه محتاج سبع سنين خبره علشان تبدا نقول عليك ان انت يعني بقيت سينيور الى حد ما ده على اقل تقدير خد بالك حتى لو كنت مجتهد اه اه طبعا ده الكلام ده اصلا انا بقوله لو كنت مجتهد طبعا مش مكسل في التعلم والتطوير
9:23 عارف ان في ناس ممكن تعمل عل ثوره في الكومنتات تحت لاقي ازاي وبتاع وانا ابن خالتي بتعلم برمجه قاله سنتين وما شاء الله عليه جينياس دلوقتي وبتاع هقول لك يا عم ربنا يبارك له وكويس ان انا ما قلت لكمش 10 سنين كويس ان انا خليتهم سبعه بس بس اللي عاوزك تعرفه برض ان الموضوع مش استركت او حد لعدد سنوات معين بعدها تبقى سينيور ولكن حسب اجتهادك كميه المشاريع اللي انت اعرضت ليها حجم المشاريع نفسها سواء كانت مشاريع كبيره مليانه مشاكل وخبرات ولا مشاريع صغيره فالاستفادة ته اعلى من واحد بقى له 10 سنين فعدد السنوات مش هو المقياس الحقيقي ولكن الخبره الحقيقيه من المشاكل والمشاريع اللي اشتغلت فيها هي دي اللي بتفرق شخص عن
10:10 شخص ده غير طبعا الشخص اللي مهتم بنفسه وبيتعلم وبيط بشكل مستمر وبيسال الناس الثانيه الخبره اللي اكثر منه في المجال بقى لهم فتره ومجتهد في المجال حبيت ادردش معاكم النهارده اوضح لكم مفاهيم وتفاصيل كتير يمكن ما حدش بيوضح قوي بتمنى الناس تستفيد من المواضيع اللي زي دي وحابب اسمع رايكم في التعليقات وبس كده يا شباب بتمنى الفيديو يكون ممتع وعجبكم ما تنساش الدعم عن طريق لايك شير فيديو علشان غيرك يستفيد واشترك معانا علىشان تكش المحتوى الممتع اللي بنقدمه كان معاكم صبري حسني من كورسات في البرمجه وفي الختام اللهم صلي وسلم على خير الانم واشوفكم انيه اجمل وامتع وشيه الله والى ذلك الحين اسعدكم الله والسلام عليكم ورحمه الله
