0:00 اهلا وسهلا بكم حبايب قلبي في فيديو جديد موضوع النهارده بناء على طلب كتير منكم هقول لك على الخطه الكامله اللي هتخليكي تعملي قناه على اليوتيوب من غير ما تظهري نهائي مش محتاجه كاميرا ولا لوكيشن ولا مزيكه معقده ولا حتى معدات صعبه كل اللي محتاجاه هو صوتك بس وارادتك انك تبداي وتكملي الفيديو ده مش مجرد كلام نظري ده دليل كامل من اول اختيار المجال لحد اول دولار يدخل في حسابك يلا بينا نبدا واحده ونشوف هنعمل ايه وقبل قبل ما تبداي عمل قناه اهم خمس حاجات لازم تفهميهم اول حاجه اليوتيوب مش محتاج شكل محتاج قيمه لو الصوت واضح والمحتوى قوي انت كده سبقت 70% من الناس رقم اثنين المحتوى اهم 1000 مره من التكنولوجيا مش لازم معدات جامده ولا
0:47 مكلفه ممكن تبداي بموبايلك بس وده اللي انا شغاله بيه لحد دلوقتي على قناتي وزي ما انتم عارفين ان قناتي من غير ظهور رقم ثلاثه الاستمراريه اهم من المثاليه فيديو كل اسبوع احسن من 10 فيديوهات وبعدها اختفاء كبير. رقم اربعه ابعدي تماما عن التقليد. خدي الهامك من نفسك لكن قدمي فيه طريقتك واختاري الحاجه اللي انت بتحبيها وما بتمليش وانت بتعمليها واهم حاجه تكون حاجه بتفهمي فيها وتقدري تقدمي معلومه تنفع الناس. رقم خمسه حددي هدف القناه من اول يوم تعليمي تحفيزي وصفات قصص تفسير احلام عنايه روتين يومي الهدف هيحدد 80% من خطواتك الجايه باذن الله. اما الجزئيه الثانيه المهم نعرفها ازاي تختاري المجال
1:32 المناسب اسالي نفسك ثلاث اسئله رقم واحد ايه الحاجه اللي تقدري تتكلمي عنها لمده نص ساعه من غير ما تزهقي تطوير الذات ولا قصص واقعيه ولا تفسير احلام ولا تنظيم وقت ولا تجارب ملهمه ولا حكايات ولا محتوى بنات ولا معلومات صحيه بسيطه ولا طبخ بدون ظهور محتوى ديني بصوتك كل دي افكار تقدري تقدميها رقم اثنين اسالي نفسك كمان الجمهور بتاعك مين هل هو بنات ولا امهات ولا مراهقات ولا ستات شغالين. رقم ثلاثه هل في ناس بتعمل محتوى شبهك وناجحين؟ لو اه يبقى السوق موجود وعليه طلب وتقدري تخشي قنواتهم وتستلهمي منهم افكار او من التعليقات اللي بتتكتب لهم من الجمهور في تعليقاتهم وكمان تاخدي افكار عن الفيديوهات اللي بيقدموها من غير ظهور
2:18 وشكل الصوره المصغره وشكل الوصف بتاعهم كل دي حاجات هتفيدك برده. اما الجزئيه الثالثه اللي مهم انك تعرفيها هي الادوات اللي هتحتاجيها باقل تكلفه ممكنه وانا عايزه اقول لك ان قناتي لحد النهارده الفيديو اللي بقدمه لك ده وانا شغاله بتليفوني بس ما جبتش اي معدات غير اللي هو الرينج لايت اللي بستخدمه لما بصور المحتوى بيكون ايدي بس هي اللي ظاهره بس لازم تعرفي شويه حاجات اولا الصوت الصوت هو اهم حاجه بما انك مش هتظهر ادوات التسجيل ممكن تكون بسيطه لو تحبي تجيبي مايك بس انا حتى مش جايبه مايك انا بسجل برنامج التسجيل العادي الموجود على كل تليفون من غير اي مايك ولا حتى هاند فري فدول تقدري تستخدميهم كبدايه وبيبقوا ناجحين وكويسين لما يكون نوع التليفون
3:05 كويس ودلوقتي هقول لك على شويه نصائح مهمه جدا للصوت سجلي في اوضه يكون ما فيهاش صد صوت وحاولي يكون الوقت اللي بتسجلي فيه يكون وقت هادي ما حدش بيزعق ما حدش بيفتح باب بصوت عالي ما حدش بيتكلم بصوت عالي حواليكي يكون وقت مناسب ان انت تسجل جلي فيه الصوت اتكلمي بهدوء وبراحه وفي نفس الوقت ما يكونش ببطء جامد ولا بسرعه جامده يكون طريقه كلامك مريحه ما تخليش المشاهد ان هو يمل وهو بيسمعك لو انت قررتي انك هتستخدمي مايك افتحي المايك وخليه بعيد شويه عن بقك علشان صوت النفس ما يضايقش الناس اللي بتسمعك وراجعي التسجيل قبل ما تكملي فيه كل جزئيه تعمليها اسمعيها شوفي لو كان فيها غلطات ممكن تقدري تعيديها او تصلحيها ودلوقتي هنتكلم عن المونتاج
3:50 بسهوله اسهل برنامج انا بعمل عليه مونتاج هو برنامج انشوت سهل جدا في الاستخدام ومجاني 100% وللصوره المصغره بستخدم برنامج اسمه كانفا وبرده مجاني 100% وكمان سهل في الاستخدام والجزئيه المهمه جدا اللي هنتكلم فيها دلوقتي هي طريقه انتاج فيديو كامل بدون ظهور رقم واحد لازم تكتبي سكريبت سكريبت هو موضوع الحلقه اللي انت هتتكلميه او موضوع الفيديو اللي انت هتتكلمي عنه اوعي تسجلي من غير ما تعملي سكريبت هيبقى مرهق جدا بالنسبه لك وممكن تنسي الكلام وممكن تغلطي فهيبقى الموضوع مشتت جدا بالنسبه لك لكن لما تجيبي ورقه وقلم وتقسمي موضوع الفيديو لمقدمه واصل الموضوع وجزء فيه توعيه وجزء فيه قصه ممكن
4:36 تكون حقيقيه وجزء فيه خطوات عمليه للموضوع وجزء في الخاتمه رقم اثنين سجلي الصوت اعملي ثلاث محاولات واحده انك انت بتجربي نفسك فيها والثانيه هي المحاوله الاساسيه والثالثه لو في غلطات تصلحيها. رقم 3لاه هتكوني مجهزه المشاهد اللي هتحطيها وتركبي عليها الصوت في الفيديو والمشاهد دي بتتجاب عن طريق صور متحركه مجانيه او تختصري وتنزلي برنامج اسمه بيكس باي البرنامج ده في ملايين ومئات الصور المجانيه اللي ما عليهاش حقوق طبع ونشر تقدري تنزليها على الفيديو بتاعك على حسب المواضيع اللي انت هتتكلمي عنها موجود كل الصور والفيديوهات عن التنظيف والترتيب والتنظيم والطبخ كل حاجه هتلاقيها موجوده عليه والجزئيه الاخيره انك هتدم مج الصوت
5:22 مع الصور والفيديوهات وخلي المشاهد تتغير كل سبع ثواني علشان تحافظي على انتباه المشاهد يفضل موجود معاكي للاخر اما الصوره المصغره فانا بشوفها اهم حاجه في الفيديو لان هي همزه الوصل الاولى بينك وبين المشاهد اللي بتخليه يضغط على الفيديو بتاعك الصوره هي اللي بتكسبك نسبه كبيره جدا من الجمهور واهم قواعد في الصوره المصغره هي ان تكون الوانها قويه وواضحه ويكون الجمله اللي عليها او العنوان اللي عليها ملف فت يصير فضول المشاهد انه يضغط على الفيديو بتاعك ويشوف انت بتتكلمي على ايه وزي ما قلنا الصوره المصغره دي ممكن تعمليها من على برنامج كانفا او ممكن كمان انشوت بكل سهوله بس انا بفضل برنامج كانفا لانه عليك كميه كبيره جدا من الصور والادوات اللي هتساعدك
6:08 في تحسين الصوره الى افضل ما يكون الجزئيه المهمه في الفيديو وهي العنوان ازاي تخليه يظهر في البحث العنوان لازم يكون فيه ثلاث حاجات اساسيه رقم واحد في كلمات مفتاحيه وفي فائده واضحه للمشاهد وفي كلام يشجع انه يضغط على الفيديو. الكلمات المفتاحيه يعني ايه؟ يعني كلمات لما المشاهد بيجي يبحث عن حاجه بيكتبها هديكي امثله زي مثلا عنوان للفيديو اللي انا بعمله ازاي تبداي قناه على اليوتيوب بدون ما تظهري كلمه ازاي دي كلمه مفتاحيه قويه جدا لانه اي حد بيجي يبحث على حاجه على اليوتيوب بيقول ازاي ازاي اتعلم الطبخه المعينه ازاي افتح قناه على اليوتيوب ازاي اطور من نفسي فكلمه ازاي دي كلمه مفتاحيه قويه جدا
6:53 وكلمه يوتيوب كمان كلمه مفتاحيه يه وكلمه تبداي جايه من البدايه زي لما اي حد ازاي ابدا مشروع ازاي ابدا اعمل قناه ازاي فكلمه تبدا او بدايه كلمه برده مفتاحيه دلوقتي بقى هنتكلم عن الوصف من اهم الحاجات في الفيديو اكتبي في الوصف اكث من ثلاث سطور تكون معبره عن محتوى الفيديو اللي انت بتتكلمي عنه وكمان لازم تحطي هاشتاجات تقدري تخشي على الوصف بتاعي اللي في الفيديو ده وتشوفيه معمول ازاي هنا الهاشتاجات هي الكلمه اللي بتبقى قبلها هاشتاج تاج زي ربح من اليوتيوب زي قناه يوتيوب زي محتوى طبخ يكون قبلها هاشتاج دي الهاشتاجات اللي بتساعد الفيديو برده في الانتشار نيجي بقى لنقطه مهمه جدا وهي الاستمراريه والنشر لو انت قررتي انك
7:39 تعملي فيديو اسبوعيا فهيكون افضل وقت للنشر من الساعه 6:00 للساعه 9:00 مساء ردي على التعليقات بسرعه اسالي جمهورك دايما تحبوا الفيديو الجاي يبقى عامل ازاي او بيتكلم عن ايه دلوقتي عايزين نعرف ازاي تكسبي من اليوتيوب لازم عشان تبداي تحققي ربح من اليوتيوب تكوني كملتي شروط الربح اللي هي 1000 مشترك و4000 ساعه مشاهده او 10 مليون مشاهده على مقاطع الشورتس بعد كده هتبدا الاعلانات تظهر على قناتك وبعد كده الشركات ثم المنتجات ودلوقتي تعالي اقول لك على اخطاء ممكن تدمر اي قناه من دون ظهور اول حاجه الصوت مش قوي ومش واضح رقم اثنين الصوره المصغره ضعيفه ومش جذابه رقم لاثه الفيديو طويل جدا وممل وما فيهوش معلومات او حاجه مفيده. رقم اربعه عدم
8:27 وجود خطه تستمري عليها رقم خمسه اختفاء طويل في النهايه عايزه اقول لك صدقيني بدايه قناه على اليوتيوب من غير ظهور مش مستحيله انت مش محتاجه غير صوت صادق محتوى مفيد ويكون هادف واستمرار ابداي حتى لو خايفه الفكره اللي في دماغك دلوقتي ممكن تبقى مصدر رزق وحريه في يوم من الايام اعملي اول خطوه وباقي الطريق هيبان باذن الله ولو عندك اي سؤال او اي نقطه انا ما وضحتهاش او اي جزئيه حابه ان احنا نتكلم فيها يا ريت تكتبي لي في التعليقات هي ايه بالظبط وهنتكلم عنها في فيديو مخصوص وبكده خلص الفيديو بتاع النهارده بس كلامنا مع بعض عمره ما هيخلص اتمنى يكون الفيديو بتاع النهارده عجبكم يا ريت ما تنسوش تشاركوه يمكن يكون في بنات كتيره محتاجين يعملوا قناه بس مش عارفين يبداوا منين
9:13 استودعكم عنايه الله والسلام عليكم ورحمه الله وبركاته tu
