0:00 لو قلت لك تعال اكلمك على تاريخ ظهور الاسلام فهيجي في بالك على طول شبه الجزيره العربيه وتتخيل بقى انها صحراء جارداء لا زرع فيها ولا ماء ولا بيعيش انسان ولا حيوان استنى استنى شبه الجزيره العربيه منذ الاف السنين كان بيعيش فيها بشر وانشاوا حضارات وكونوا مدن وممالك وحاجات جامده جدا فتعال بقى اكلمك على الناس دي وكانوا عايشين ازاي وبيعملوا ايه ويلا بينا بقى نبدا ونقول بسم [موسيقى] السلام عليكم ورحمه الله وبركاته اهلا بكم طلبه الثانيه ثانوي في كل مكان سواء الادبي او العلمي معكم مستر محمد فتحي وتعالوا نبدا منهج تاريخ الترم الاول عباره عن وحدتين الوحده الاولى اربع دروس
0:48 والوحده الثانيه اربع دروس يعني المنهج كله في الترم الاول ثمان دروس يلا بينا نقول بسم الله ونبدا بالدرس الاول حضرات شبه الجزيره العربيه قبيل ظهور الاسلام الجزء الاول طالما هنتكلم عن تاريخ ظهور الاسلام فلازم نتكلم عن المنطقه اللي ظهر فيها الاسلام وهي شبه الجزيره العربيه اللي قدامك دي قامت فيها مدن وممالك زي ما انت شايف كده وطبعا الناس اللي عايشين دول انشاوا حضارات فتعال بقى نعرف مين الناس دي وكانوا بيعملوا ايه الناس اللي كانوا عايشين في شبه الجزيره العربيه هم العرب والعرب هم ساميه الاصل نسبه الى سام ابن سيدنا نوح عليه سلام وطبعا الحضارات اللي انشاؤوها نتيجه استثمار الموارد اللي موجوده في شبه الجزيره العربيه وكمان التواصل مع الحضارات الاخرى يعني استفادوا
1:35 من الحضارات الاخرى المجاوره لشبه الجزيره العربيه لان شبه الجزيره العربيه حواليها قامت حضارات جامده جدا زي الحضاره المصريه القديمه ناحيه الغرب والحضاره الفارسيه ناحيه الشرق وكمان في الشمال في حضاره يونانيه وبعد كده رومانيه فاستفادوا من الناس اللي حواليهم دي كلها فنقدر نقسم ممالك ومدن من شبه الجزيره العربيه الى ثلاث مجموعات المجموعه الاولى ممالك جنوب شبه الجزيره العربيه ناحيه الجنوب هنا اهو كانوا موجودين في منطقه اليمن وكونوا ثلاث ممالك زي مملكه معين ومملكه سباق ومملكه لا مش حمير اسمها حمير حمير تمام والممالك الثلاثه دول بتوع اليمن اندثروا اختفوا يعني وسقطوا قبل ظهور الاسلام والمجموعه
2:21 الثانيه ممالك شمال شبه الجزيره العربيه في الشمال شمال بقى فوق خالص زي منطقه الشام قامت فيها مملكه الانباط ومملكه الغساسنه ومملكه تدمر وفي العراق قامت مملكه الحيره ومملكه تدمر والانباط سقطوا هم الاثنين قبل ظهور الاسلام انما بقى في غرب شبه الجزيره العربيه قامت مدن مدن مش ممالك خلي بالك وهعرفك ليه مدن كمان شويه وايه الفرق بين المدن والممالك في منطقه الحجاز اللي هي غرب شبه الجزيره العربيه قامت ثلاث مدن مدينه مكه طبعا مشهوره جدا وشمالها مدينه يثرب وجنوبها الشرقي مدينه الطائف تعالوا بقى نتكلم على كل مملكه وكل مدينه من الحاجات دي كلها ونعرف شويه
3:06 معلومات عنها نبدا بالمجموعه الاولى ممالك جنوب شبه الجزيره العربيه اللي كانت في منطقه اليمن والثلاثه سقطوا قبل ظهور الاسلام اول حاجه مملكه معين نشات سنه 1300 قبل الميلاد وسقطت سنه 630 قبل الميلاد الميلاد وخلي بالك التاريخ قبل الميلاد بيقل يا جماعه ها ركز في النقطه دي التاريخ بيقل طبعا لو انت شغلت البصله وطرحت الرقمين من بعض هتعرف مملكه معين استمرت كام سنه هريحك انا هقولها لك بسرعه اهو استمرت 670 سنه طب فين بقى موقعها هنا اهو المنطقه دي في اليمن بيقولوا عليها الجوف منطقه الجوف وعاصمتها مدينه قرناو قرناو تمام بقى نتكلم على مملكه سبق قامت
3:54 سنه 800 قبل الميلاد واستمرت لحد سنه 115 قبل الميلاد شغل البصله بسرعه اطرح كده وقول لي استمرت كام سنه مملكه سبق هقول لك انا برده 685 سنه عايز تحفظ الارقام دي ماشي مش عايز انت حر يعني مش هنيجي نسالك في الارقام نهائي بس بقول لك كده يعني عشان تعرف اكت مملكه استمرت مين مملكه سبق موقعها في جنوب غرب اليمن وعاصمتها مدينه مار ومن اشهر الملوك اللي حك حكموا مملكه سباق الملكه بلقيس وطبعا دي مشهوره جدا لان ورد ذكرها في القران الكريم في سوره النمل في القصه بتاعه سيدنا سليمان والهدهد فمشهوره جدا الملكه بلقيس ومملكه سباق لما اتذكرت في القران بيقول لنا انها
4:40 كانت عباره عن جنه ناحيه اليمين وناحيه الشمال يعني تبص كده يمينك تلاقي جنه شمالك تلاقي جنه قدامك جنه وراك جنه هي كلها جنه من الاخر طب وايه اللي حصل بقى هقول لك بقى مملكه سبق كانت مشهوره بوجود سد مقرب سد بنوه بيحجز الميه ويستخدموها في الزراعه فكانت مملكه سباق عامله زي الجنه بالظبط ولكن في سنه من السنين السيول كانت قويه جدا فادت الى انهيار سد مغرب فدمر الجنه بتاعتهم تماما وكان انهيار سد مغرب سبب في هجره العديد من القبائل من اليمن الى اجزاء متفرقه في شبه الجزيره العربيه اتجهوا ناحيه الشمال ناس بقى راحت غرب شبه الجزيره العربيه وناس بقى اتجت ناحيه الشمال فوق يا العراق يا
5:28 اما الشام وبكده نقدر نطلع باستنتاج اول يا ريت بقى تمسك القلم بتاعك وتكتب اي ملاحظه اقول لك عليها هتسهل عليك جدا جدا وانت بتحل اسئله انهيار سد مغرب ادى الى اثار اقتصاديه دمر الزراعه والجنه بتاعتهم وكمان اثار اجتماعيه خلتهم يهاجروا ودي تعتبر هجره اجباريه غصب عنهم هيهاجروا الدنيا غرقت هتقعد تعمل ايه؟ هتعوم بقى سباحه ولا تمشي احسن تمشي. بعض الناس اللي هم فضلوا قاعدين في اليمن راحوا مكان تاني وانشاوا مملكه جديده هي مملكه اوعى تقول حمير اسمها حمير قامت سنه 115 قبل الميلاد نفس السنه اللي سقطت فيها مملكه سباق الناس راحت مكان ثاني في اليمن تعمل مملكه
6:13 هي مملكه حمير واستمرت لسنه 525 ميلاديا شغل البصله بسرعه استمرت حمير كام سنه برده انا اللي هقول لك 640 سنه موقعها فين بقى بين مملكه سبق وبحر الكلزم بحر الكلزم اللي هو البحر الاحمر وعاصمتها مدينه ريدان او زفار الثلاث ممالك بتوع اليمن سقطوا قبل ظهور الاسلام تعالى بقى نتكلم عن مكان ثاني في شبه الجزيره العربيه وهي مدن غرب شبه الجزيره العربيه في منطقه الحجاز ودي طبعا المنطقه اللي هيتولد فيها النبي صلى الله عليه وسلم ويبدا بقى بعثته ودعوته للاسلام اشهر مدينه في الحجاز هي مكه المكرمه وده ده طبعا لاهميتها ليها اهميه دينيه بسبب وجود الكعبه المشرفه بيت
7:01 الله الحرام ده سبب شهرتها القويه جدا في شبه الجزيره العربيه وفي العالم كله وكمان ليها اهميه اقتصاديه تجاريه بسبب ايه بقى اول حاجه موقعها الجغرافي المتميز على طريق القوافل اللي رابط بين الشام ناحيه الشمال واليمن ناحيه الجنوب وبسبب كده هتعمل رقم اثنين تنظيمها لرحلات تجاريه زي رحلتي الشتاء والصيف رحله الشتاء يروحوا اليمن ورحله الصيف يروحوا الشام طب وايه كمان رقم لاثه شهره الاسواق التجاريه القريبه منها كان في كم سوق كده قريبين من مكه فالعرب بيتجمعوا هناك ويبيعوا ويشتروا زي سوق ذي المجاز وسوق ثاني اسمه سوق مجنه
7:46 يبقى عندهم كام سوق كده اثنين سوق ذي المجاز وسوق مجنه وكان في قبائل كتير بتعيش داخل مكه واشهر القبائل دي واكبرها هي قبيله قريش وده طبعا لاشرافها على الكعبه وعلى موسم الحج هنبقى نتكلم على الكلام ده قدام شويه تعالى بقى نتكلم على مدينه ثانيه في الحجاز وهي مدينه يثرب اللي تقع شمال مكه لها اهميه اقتصاديه ليه لانها كانت واحه زراعيه يعني ينفع فيها الزراعه انما مكه ما تنفعش وكمان مدينه تجاريه لانها تقع على طريق القوافل التجاريه اللي بيمشي من اليمن بعد كده يمر يمر بمكه وبعد كده يسرب وبعد كده يوصل الى الشام وكمان سكنتها قبائل عربيه هجرت من اليمن بعد انهيار سد مغرب في مملكه سبا زي
8:35 قبيلتي الاوس والخزرج الاوس والخزرج تمام كمان كان في مدينه الطائف ومدينه الطائف دي جنوب شرق مكه ومنخها معتدل لارتفاع سطحها عشان في منطقه مرتفعه جبليه يعني واشتهرت بزراعه العنب وكان لاسراء قريش في مكه مزارع في الطائف واشهر القبائل اللي سكنت مدينه الطائف قبيلتي سقيف وهوازن وهنتكلم عنهم قدام شويه بعد بعثه النبي صلى الله عليه وسلم كده خلصنا كلام عن مدن الحجاز في غرب شبه الجزيره العربيه تعال بقى نكمل الرحله بتاعتنا ونطلع ناحيه الشمال ممالك شمال شبه الجزيره العربيه زي مملكه الحيره في العراق ومملكه الانباط ومملكه الغساسنه ومملكه تدمر والممالك دي قامت في الاطراف
9:22 الشماليه لش شبه الجزيره العربيه وكانت تعتبر حد فاصل عامله زي الحاجز كده بين بلاد العرب وبين دولتي الفرس ودوله الروم ولكن في مملكتين سقطوا مملكه الانباط ومملكه تدمر وهيتبقى بس مملكتين مملكه الحيره في العراق ومملكه الغساسنه في الشام تعالوا بقى نتكلم عنهم نبدا بمملكه الغساسنه في الشام قامت سنه 220 ميلاديا لحد سنه 638 ميلاديا شغاله البصله استمرت ارت كام سنه اطرح من بعض 418 سنه هي حاجه مش مهمه يعني انا بشغل لك دماغك شويه بدل ما هي واقفه كده ومريحه تعال بقى نتكلم على نشاه مملكه الغساسنه بترجع الى قبائل الازد ودي قبائل عربيه هجرت من اليمن بعد
10:07 انهيار سد مقرب بتاع مملكه سباق واستقروا في باديه الشام وشويه شويه كده اتجمعوا انشوا مملكه الغساسنه وكانت العاصمه بتاعه مملكه الغساسنه هي عواصم متعدده كتير يعني لكن اخر عاصمه هي مدينه الجابيه في الجولان المحتل حاليا في سوريا ولكن اللي حصل بقى مع نهايه القرن السادس الميلادي ضعف حكام مملكه الغساسنه والملك لما يكون ضعيف المملكه هتكون ضعيفه برده وكان اخر ملوك مملكه الغساسنه هو جبله ابن الايهم جبله ابن الايهم ده هيعمل مشكله خطيره هتدمر المملكه بتاعته انه هيساند الروم في مواجهه المسلمين في موقعه اليرموك اللي هتقوم عام 13 هجريه او 634 ميلاديا ايه
10:55 اللي هيحصل بقى بعد بعثه النبي صلى الله عليه وسلم بعديها في فتره كده المسلمين هيكونوا دوله ويبتدوا يتوسعوا فهيحاربوا الروم وهتقوم ما بين المسلمين والروم موقعه اسمها موقعه اليرموك فجبل ابن الايهم ملك الغساسنه هيساعد الروم ضد المسلمين فالمسلمين هينتصروا على الروم وبعد ما ينتصروا على الروم هيروحوا يدوروا الضرب في مملكه الغساسنه وجبل ابن الايهم وبكده هتسقط مملكه الغساسنه وتصبح جزء من الدوله الاسلاميه. شفت بقى هو اللي وقع نفسه مع المسلمين ودخل نفسه في حرب مالوش دعوه بيها. طب تعال بقى نتكلم على مملكه الحيره في العراق. قامت سنه 268 ميلاديا واستمرت لحد 633 ميلاديا. لو شغلت البصله
11:41 وطرحت الرقمين من بعض وشغلتها كده شغل بسرعه يطلع كام؟ 365 سنه. طب نتكلم على نشاه مملكه الحيره نشات في القرن الثالث الميلادي نتيجه هجره قبائل يمنيه اليها بعض القبائل هجرت من اليمن بعد انهيار سد مغرب وراحوا استقروا في العراق وكونوا مملكه الحيره وكانت عاصمتها برده مدينه الحيره يعني هي اسمها مملكه الحيره والعاصمه الحيره برده سهله اهي وتقع جنوب مدينه الكوفه حاليا في العراق غرب نهر الفرات طالما قريبه من نهر الفرات فطبعا سهل قوي انها تقوم بحرفه ايه الزراعه واشهر ملوك مملكه الحيره النعمان بن المنذر اللي هيتولى الحكم سنه 582 ميلاديا لحد 609 ميلاديا يعني 27 سنه طب ايه اللي
12:29 هيحصل بقى؟ مملكه الحيره كانت تابعه للدوله اللي قريبه منها وهي الدوله الساسانيه الفارسيه وكانت دايما مملكه الحيره بتساند الدوله الفارسيه لما تحارب الروم واللي بيساند الروم مملكه الغساسنه الفرس والروم يضربوا بعض فالحيره والغساسنه هم الاثنين يضربوا بعضهم كمان شفت بقى العرب من زمان مدورين الضرب في بعض عشان خاطر ناس مش عرب اجانب وهيفضل الحال على كده لحد ما يجي المسلمين يضربوا الاثنين عشان يخلصوا العركه اللي شغاله دي وهيفتح بقى المسلمون العراق والشام وتنتهي كده مملكه الغساسنه ومملكه الحيره وعلى فكره مملكه الحيره سقطت قبل سقوط مملكه الغساسنه والمسلمين فتحوا الحيره قبل فتح مملكه الغساسنه يعني اقدر الخص لك الكلام
13:15 اللي حصل ده كله ان دول ضربوا دول ودول ضربوا دول فجوم المسلمين ضربوا دول ودول وخلصوا الكلام خالص وبكده احنا خلصنا كلام عن ممالك ومدن شبه الجزيره العربيه قبل ظهور الاسلام تعال بقى ناخد سؤالين نحبس بيهم ونرجع نكمل مره ثانيه يلا بينا نبدا بقى بالسؤال الاول مثلت اكثر الممالك العربيه اسهاما في تغيير التركيب الديموغرافي لشمال شبه الجزيره العربيه قبل الاسلام مملكه ايه؟ بص بقى عايزك تمسك سؤال تفصصه تطلع منه بمعلومات توصلك للحل الاول كده بيقول لك اكثر الممالك العربيه اسهاما في تغيير التركيب الديموجرافي السر كله في الجمله دي تغيير التركيب الديموغرافي
14:01 شمال شبه الجزيره العربيه ايه اللي حصل بقى افتكر بقى كان في سد اسمه سد مغرب في اليمن لما نهار هجرت القبائل العربيه من اليمن واتجهت الى اجزاء متفرقه في شبه الجزيره العربيه ومنها ناحيه الشمال وده عمل ايه؟ تغيير التركيب الديموغرافي يعني بقى في سكان عرب في شمال شبه الجزيره العربيه تمام انه بقى مملكه اللي كان فيها سد مقرب مملكه معين لا طبعا غلط هي مملكه سبا هي اللي كان فيها سد مقرب انما حمير لا الحيره لا غلط نطلع بقى فوق ونخش على السؤال الثاني تشابهت مكه المكرمه ويثرب قبل الاسلام في
14:49 ايه؟ بص بقى مدينه مكه المكرمه ومدينه يثرب الاثنين في مدن الحجاز غرب شبه الجزيره العربيه كانوا بيتشابهوا في ايه بقى؟ اكيد طبعا ان فيهم قبائل عربيه فتدور كده في الاختيارات مش هتلاقي في قبائل عربيه لكن بص دال بيقول لنا استقرار قبائل غير عربيه لا غلط غير دي غلط طب نشوف بقى الثلاث اختيارات التانيين ا اهميه الموقع الجغرافي ايوه صح ليه بقى؟ لان مدينه مكه المكرمه ومدينه يثرب الاثنين بيقعوا على طريق القوافل التجاريه اللي بتربط بين اليمن في الجنوب لحد الشام في الشمال. انما المكانه الدينيه المتميزه لا طبعا غلط قبل
15:35 الاسلام كانت مكه بس اللي ليها مكانه متميزه دينيا انما يثرب لا لسه انما بعد الاسلام هيكون هم الاثنين ليهم مكانه دينيه متميزه تمام ج قيام النشاط الزراعي لا طبعا غلط الزراعه كانت في يثرب انما مكه لا نطلع فوق ونخش على السؤال الثالث اتسمت العلاقه بين مملكه الغساسنه ومملكه الحيره قبل الاسلام بايه عايزك تفتكر مملكه الغساسنه كانت بتساند الروم ومملكه الحيره كانت بتساند الفرس ولما تقوم حرب بين الروم والفرس برده الغساسنه والحيره تقوم ما بينهم هم الاثنين حرب هم كمان فكده العلاقه بين الغساسنه والحيره بتتسم بايه؟ التحالف
16:22 والترابط لا طبعا غلط التكامل الاقتصادي لا غلط الصراع الديني بينهم صراع الدين يعني لا طبعا غلط العداء والصدام دايما يضربوا بعض عشان خاطر الروم والفرس حاجه جميله قوي العرب بيعملوها من زمان بس كده ورجعت لكم مره ثانيه عشان نكمل كلام عن مدن وممالك شبه الجزيره العربيه قبيل ظهور الاسلام احنا كده عرفنا ايه المدن والممالك اللي كانت موجوده فتعال بقى نعرف الناس دي كانت عايشه ازاي ومدوره حياتها ازاي فنتكلم عن مظاهر الحضاره في شبه الجزيره العربيه قبل ظهور الاسلام هنتكلم عن الحياه السياسيه وبعد كده الحياه الدينيه والحياه الاقتصاديه والحياه الاجتماعيه ونختم بالحياه الفكريه
17:08 والعلميه في الجزء ده هنتكلم على اول حاجتين في مظاهر الحضاره حياه سياسيه وحياه دينيه يلا بينا نبدا برقم واحد الحياه السياسيه انقسم النظام السياسي في شبه الجزيره العربيه الى قسمين ناس شغاله بالنظام القبلي الناس اللي هي قبيله وده كان النظام الغالب في شبه الجزيره العربيه وناس شغاله بالنظام شبه شبه الملكي ايه ده مش نظام ملكي لا شبه ملكي وهقول لك ليه كمان شويه كان في المناطق اللي فيها ممالك زي الممالك اللي قامت في الجنوب في ناحيه اليمن والممالك اللي قامت في الشمال زي في العراق وفي الشام تمام نبدا الاول نتكلم عن النظام القبلي قام على ان القبيله هي وحده النظام السياسي يعني اكن القبيله هي الدوله ما هو ما فيش دوله بس هي القبيله
17:54 هي الدوله فبنقول عليها وحده النظام السياسي هي الاساس كده وتخضع لدستور الدستور ده اللي هو قانون القانون ده اللي هو ايه بقى؟ دستور من العرف والتقاليد العرف والتقاليد بتاع القبيله هو ده اللي يعتبر القانون اللي بيمشي على الكل وطبعا العرف والتقاليد بيتورثوها من جيل الى جيل فكله ماشي عليها بقى اكنها قانون واللي بيخالفها يعتبر انسان وحش جدا ويعاقبوه وبيربط افرادها رباط الدم يعني كلهم من دم واحد ونسب واحد بيتجوزوا من بعض وبيلتزم زم الفرد بتاييد مصالحها والعمل من اجلها ما بقول لك القبيله دي اكنها الدوله يعيش ويشتغل ويموت عشان خاطر القبيله طب ولو القبيله بتاعته وحشه وبنت
18:41 عادي هيفضل برده بيايد مصالح القبيله ويعمل من اجلها وده بقى اللي بنقول عليه العصبيه القبليه كل واحد شاف القبيله بتاعته لازم تكون هي نمبر وان في حياته لازم يساعدها وينصرها في اي حاجه صح غلط لازم معاه القبيله بتاعته وبس طب بيتكون من ايه بقى عناصر النظام القبلي اول حاجه شيخ القبيله ده الكل في الكل وده الكبير الراس الكبيره بتاعته وبيتولى اداره القبيله بيعمل ايه بقى بيقود المعارك ياخد الجيش ويطلع يحارب يضرب قبيله ثانيه ويستقبل الوفود لو في وفد جاي من قبيله ثانيه هو اللي بيقابلهم ويعقد المعاهدات ويفصل في النزاعات بيقوم باربع وظائف زي ما انت شايف كده تعال كدهنا نشوف بيعمل ايه ثاني شيخ القبيله بيقود المعارك وده
19:27 يعتبر وظيفه عسكريه بيحارب وبيستقبل الوفود ده كده وظيفه تنفيذيه وبيعقد المعاهدات برده تعتبر وظيفه تنفيذيه وبيفصل في النزاعات شغال قاضي وظيفه قضائيه وبكده نقدر نقول ان شيخ القبيله بيجمع في ايده العديد من السلطات وبكده ما فيش فصل بين السلطات كل السلطات في ايده طب بيتكون من ايه ثاني النظام القبلي مجلس القبيله وده بيضم زعماء القبيله وكبار مشايخها طبعا المشايخ اللي هو نقصد بيها الناس اللي سنها كبير الذين يتولون مهام شؤون القبيله تلاقي ناس مسؤوله عن التجاره ناس مسؤوله عن الزراعه ناس مسؤوله عن المحاربين اللي هم الجيش بتاع القبيله بيتجمعوا كلهم ويعملوا حاجه اسمها مجلس
20:13 القبيله ويقعد معاهم شيخ القبيله ويتناقشوا في اي حاجه في القبيله وياخدوا راي زي مهام دار الندوه دار الندوه ده مكان كده عامل زي مركز المؤتمرات بتاعهم زمان يتجمعوا فيه ويقعدوا بقى يتناقشوا مع بعض في اي مشكله لحد لحد ما ياخدوا راي واحد وكلهم ينفذوه وبما ان شبه الجزيره العربيه كان فيها قبائل عربيه كتير فلم تسر العلاقه بين القبائل العربيه قبل الاسلام على وتيره واحده يعني العلاقات بين القبائل العربيه احيانا بتكون ما بين الحرب والسلام والاحلاف يعني ساعات يضربوا بعض وساعات يعملوا سلام يوقفوا الحرب وساعات يعملوا احلاف كل قبيله تعمل حلف مع قبيله ثانيه يبقى قبيلتين بيضربوا قبيلتين وعاملين بقى فرقه وشغل عالي يعني طب تعالوا نتكلم عن الحروب اللي كانت بتقوم
20:59 بين القبائل العربيه قبل ظهور الاسلام ايه اسبابها؟ اما النزاع على الماء والمراعي بيضربوا بعض على الميه كل واحد عايز يشرب من بير ميه والثاني مش راضي او بيضايقوا بعض فتقوم حرب على الميه او على المراعي اللي بيرعوا فيها الاغنام والجمال بتاعتهم او ممكن تقوم الحرب بسبب الاخذ بالصقر الطار يعني واحد يقتل حد من قبيله ثانيه فالقبيله الثانيه تيجي تضرب حد منهم تموته ويقعدوا بقى يقتلوا في بعض كده ومن اشهر الحروب اللي قامت بين القبائل العربيه قبل ظهور الاسلام في شبه الجزيره العربيه حرب الباسوس واحد قتل الجمل بتاع واحده ست اسمها الباسوس فالقبيله بتاعتها راحت قتلته وقامت حرب فسميناها على اسم الست صاحبه الجمل اللي اسمها الباسوس وفي حرب ثانيه اسمها حرب الفجار لانهم ضربوا بعض
21:46 وحاربوا بعض في الاشهر الحرم اللي حرام فيها القتال ده كده بالنسبه للحروب طب تعالى بقى نتكلم على الاحلاف اقامت القبائل ئل العربيه في الحجاز احلافا فيما بينها قعدوا مع بعض كده وقالوا نتحالف يا جماعه ونبقوا ايد واحده ده احنا بناكل ونشرب من بير واحد يعني نبقوا ايد واحده فعملوا حلف سموه حلف الفضول والحلف ده تعاهدت فيه قبائل مكه على ان تكون يدا المظلوم على الظالم وانا يخذل بعضهم بعضا يعني لو في مشكله مع حد الثاني يقف معاه ما يقولوش انا ماليش دعوه وقد شهد محمد صلى الله عليه وسلم هذا الحلف قبل البعثه يعني النبي صلى الله عليه وسلم كان موجود في الوقت ده ايام حلف الفضول قبل ما يعرف انه نبي وما كانش فيه بعثه لسه ده كده
22:33 بالنسبه للنظام القبلي بقى نتكلم على النظام شبه الملكي شبه ملكي خلي بالك مش ملكي ليه بقى هقول لك النظام شبه الملكي ده عباره عن نظام وراثي يعني الملك لما يموت ابنه يتولى الحكم وراثه وشبه ملكي ليه بقى لان الملك ما يقدرش يحكم لوحده لازم في ناس بتساعده وياخد رايه رايهم فعشان كده بنقول ايه؟ شبه ملكي والكلام ده قام في المناطق اللي فيها ممالك زي ممالك اليمن الثلاثه معين وسبا وحمير وفي العراق في مملكه الحيره وفي الشام مملكه الانباط والغساسنه وتدمر وده بسبب ان العرب في المناطق دي تاثروا بالمؤثرات الحضاريه بتاعه الحضارات المجاوره سواء الحضاره الفارسيه او الحضاره الرومانيه طب ايه
23:20 العناصر اللي بيتكون منها النظام شبه الملكي اول حاجه فوق خالص كده الراس الملك بيتولى اداره شؤون البلاد بيدور البلد وحمايه حدودها يعني بيعقود الجيش وحفظ الامن طبعا ده داخل البلد يعني له كده وظيفه تنفيذيه اللي هو اداره شؤون البلاد وحمايه حدودها وحفظ الامن ده يعتبر وظيفه عسكريه طب حلو كده لحد هنا ايه كمان كبار الموظفين ودول بيساعدوا الملك في الحكم واداره شؤون البلاد وكمان حكام الاقاليم اللي هي بيتكون منها المملكه وحكام الاقاليم هم نواب الملك في اداره الاقاليم وبيسمى كلا منهم كبيرا يعني اللقب بتاعه كبير كبير يعني ايه لا طبعا مش ده كبير
24:06 يعني حاكم اقليم تمام وطبعا بيحكم الاقليم بتاعه باسم الملك بتفويض من الملك كمان في حاجه اسمها مجلس عام وده بيتبع الملك فقط وبيتكون من كبار الاثرياء الناس الغنيه جدا في المملكه انما الفقراء لا وده ده طبعا دليل على العنصريه او الطبقيه والموظفين والكهنه وبكده الكهنه ليه وظيفتين في المملكه وظيفه دينيه انه كاهن في المعبد ووظيفه سياسيه انه بيدخل مجلس عام طبعا بيتكلم في السياسه هناك مش في الدين فكده له وظيفتين دينيه وسياسيه الناس دي بقى كلها كبار الاثرياء والموظفين والكهنه بيتجمعوا ويقعد معاهم الملك ويقعدوا يتناقشوا في اي مشكله في المملكه وكمان حاجه مهمه مهمه جدا الجيش
24:54 والجيش بيتكون من فرق عسكريه مختلفه للدفاع عن المملكه تلاقي فرقه بقى بتاعه الناس اللي بتضرب سهام وناس بتضرب رماح وناس بقى ماسكه سيوف وناس بقى فرسان شغالين يعني عاملين جيش جامد مش اي كلام بس كده خلصنا كلام عن مظاهر الحياه السياسيه في شبه الجزيره العربيه فتعال بقى ناخد سؤالين نحبس بيهم ونرجع نكمل مره ثانيه يلا بينا السؤال الاول يرجع عدم قيام نظام سياسي موحد في شبه الجزيره العربيه قبل الاسلام الى عده عوامل اهمها ايه؟ ايه اهم العوامل اللي خلت العرب في شبه الجزيره العربيه ما يعملوش نظام سياسي موحد يعني يكون في دوله بتجمعهم كلهم انما كانوا متفرقين الى قبائل متعدده
25:43 ده كان بسبب ايه؟ ان كل فرد شايف ان مصلحه قبيلته دي رقم واحد ويشتغل ويتعب ويموت عشان خاطر القبيله وده طبعا عطلهم انهم يعملوا نظام سياسي موحد ويتجمعوا ويعملوا دوله او مملكه طب ده بقى نقول عليه ايه؟ ا العزله الحضريه لا طبعا غلط ما كانش في عزله حضريه بقول عليه العصبيه القبليه كل واحد متعصب للقبيله بتاعته وشايفها نمبر و يعيش ويموت عشان خاطر مصالح القبيله بتاعته بس ج النشاط الاقتصادي لا غلط الموقع الجغرافي لا غلط نطلع فوق ونخش على السؤال الثاني اكد حلف الفضول الذي اقامته قبائل مكه قبل الاسلام على اظهار قيمه ايه؟ بص بقى قبل الاسلام القبائل اللي
26:31 كانت عايشه في مكه اتفقوا مع بعض يعملوا حلف اسمه حلف الفضول ويكونوا كلهم ايد واحده ويقفوا مع المظلوم ضد الظالم ويتعاونوا مع بعض يبقى ده بيؤكد على اظهار قيمه ايه؟ الامانه لا طبعا غلط التسامح الديني لا غلط غلط قيمه التعاون المساواه لا غلط مالهاش علاقه نطلع فوق ونخش على السؤال الثالث ظهر مبدا تفويض السلطه في الممالك العربيه قبل الاسلام من خلال السلطات الممنوحه لمين؟ بص بقى في الممالك العربيه قبل ظهور الاسلام كان في حاجه اسمها مبدا تفويض السلطه يعني ايه؟ يعني كان في اقاليم
27:17 وحكام الاقاليم اللي كان اسمهم كبير وكبير يعني حاكم اقليم كان بيحكم باسم الملك وده بنقول عليه ايه؟ تفويض انه بيحكم باسم الملك يبقى نروح للاختيارات ونختار حكام الاقاليم كبار الاثرياء غلط حكام الاقاليم اللي بيحكموا باسم الملك الكهنه لا غلط الجيش لا غلط بس كده ورجعت لكم مره ثانيه عشان نكمل كلام بقى عن مظاهر الحضاره في ممالك ومدن شبه الجزيره العربيه قبل الاسلام ونتكلم اكلم على رقم اثنين الحياه الدينيه كانت عامله ازاي عندهم لم يكن للعرب ديانه او عباده واحده قبل الاسلام يعني مش كلهم متجمعين على دين واحد او عباده واحده بل اعتنقت الغالبيه منهم
28:02 عبادات وضعيه يعني هم اللي حطينها بايديهم كده مش نازله من السماء وامن القليل منهم بديانات سماويه فتعال نشوف ايه بقى الحاجات اللي هم كانوا بيعبدوها وبيامنوا بيها وكده نبدا باول حاجه الديانات السماويه اللي امنوا بيها امن القليل من العرب بالديانات السماويه زي الحنيفيه وهي عباده الله وحده على دين سيدنا ابراهيم عليه السلام والحنيفيه عرفت في مدينه مكه وبكده نقدر نقول ان اهل مكه عرفوا التوحيد قبل ما يعرفوا عباده الاصنام والاوثان وظلت طائفه من الناس في مكه على الحنيفيه حتى ظهور الاسلام يعني في ناس فضلت على الديانه الحنيفيه لحد ما ظهر الاسلام وبعد كده هيامنوا بالاسلام كمان في الديانه اليهوديه وهي ديانه سيدنا موسى عليه السلام واليهود في الاصل كانوا
28:49 بيعيشوا في الشام ولكن الروم بداوا يضطهدوهم فهاجروا من الشام راحوا استقروا في شبه الجزيره العربيه وده كان سبب في انتشار اليهوديه في المناطق القليله اللي هاجروا اليها زي مدينه خيبر ويثرب وكمان مدينه حمير في اليمن كمان الديانه المسيحيه او النصرانيه وهي ديانه سيدنا عيسى عليه السلام وانتشرت بين عرب الغساسنه في الشام والحيره بالعراق وكمان انتشرت في اجزاء من دوله اليمن خلي بالك بقى بكده نقدر نقول ان الغساسنه والحيره الاثنين بيتفقوا في الاصل الاثنين عرب وكمان الاثنين بيتفقوا في الديانه الاثنين الديانه بتاعتهم المسيحيه او النصرانيه ولكن كانوا بيضربوا بعض عشان خاطر الروم
29:35 والفرس وهيجي في الاخر المسلمين يضربوهم هم الاثنين عشان يستاهلوا بصراحه كده اتكلمنا عن الديانات السماويه اللي امن بها العرب قبل ظهور الاسلام تعالى بقى نتكلم عن العبادات الوضعيه وهي من وضع الانسان الانسان هو اللي مالفها وعاملها واعتناقها غالبيه العرب للاسف زي ايه بقى؟ الوثنيه والوثنيه هي عباده الاصنام والاوثان اكيد انت هتقول لي ايه الفرق ما الاصنام والاوثان ايه الفرق ما بينهم الاصنام حاجه من الحجر كده على شكل انسان او حيوان او طير انما الاوثان ممكن تكون شجره حجر بيقدسوه حاجه كده يعني مالهاش اي شكل وانتشرت الوثنيه في بلاد عرب واتخذت كل قبيله صنم تعبده ومن اشهر الاصنام في شبه الجزيره العربيه هبل واللات والعزه
30:24 ومناه واقيمت لها المعابد وقدمت لها القرابين عشان يعبدوها ويقدموا لها هدايا كمان في ديانه ثانيه وضعيه اسمها الصابئه والصابئه هي عباده الكواكب والنجوم وطالما بقى هيعبدوا الكواكب والنجوم اللي في السماء فده دليل على انهم كانوا شاطرين جدا في علم الفلك امال هيعرف اماكن الكواكب النجوم منين؟ لازم يكون شاطر في الفلك. وانتشرت السابقه في الرقه وحران والاماكن دي في منطقه الشام وكمان انتشرت السابقه في اليمن. يعني كده الناس بتوع اليمن والشام كانوا شاطرين جدا في علم الفلك. كمان انتشرت المجوسيه اللي هي عباده النار والعباده دي كانت منتشره في الاصل في بلاد الفرس وبتقوم على عباده الهين واحد للخير وواحد للشر وانتشرت في
31:12 شرق شبه الجزيره العربيه لان المنطقه دي قريبه جدا للفرس فانتقلت العباده دي من الفرس الى شرق شبه الجزيره العربيه وامن بها بعض العرب للاسف كده نكون خلصنا كلام عن الحياه الدينيه في شبه الجزيره العربيه قبل ظهور الاسلام تعالى بقى ناخد سؤالين نحبس بيهم ونخلص الحلقه بتاعتنا واقول لك سؤال في الاخر كده لو انت مركز هتعرف تحله بكل سهوله يلا بينا مثل الخصائص العقائديه عامل مشترك بين كلا من الخصائص العقائديه يعني اللي هو الديانه كانت عامل مشترك بين كلا من مين ومين بقى الحيره والغساسنه اه تنفع ليه بقى الاثنين كانوا على الديانه المسيحيه
31:57 فكده عامل مشترك ما بينهم ورغم كده بيضربوا بعض عشان خاطر الفرس والروم. الغساسنه ومكه لا ما كانش في عامل مشترك بينهم في الخصائص العقائديه خالص. مكه وحمير غلط طبعا يسرب والحيره لا غلط. نطلع فوق ونخش على السؤال الثاني. سهامت بعض العبادات الوضعيه عند العرب قبل الاسلام في اهتمامهم بعلم ايه؟ في بعض العبادات الوضعيه اللي وضعها الانسان في شبه الجزيره العربيه زمان وده ساعدهم على الاهتمام بعلم ايه؟ التاريخ الدين مالهوش دعوه بالتاريخ خالص الفلك ازاي بقى مش هم كانوا بيعبدوا النجوم والكواكب في الديانه اللي اسمها الصابئه اه
32:46 فعشان يعرف اماكن النجوم والكواكب لازم يكون بيهتم بعلم ايه؟ الفلك انما الهندسه لا طبعا غلط الهندسه ممكن تفيضم في بناء المعابد انما في العباده ذات نفسها لا الطب لا طبعا غلط مالهوش علاقه نهائي نطلع فوق ونخش على السؤال الثالث انتشرت عباده مظاهر الطبيعه قبل ظهور الاسلام فين بص بقى عباده مظاهر الطبيعه اللي هي نقصد فيها عباده النجوم والكواكب السابقه ودي كانت منتشره فين؟ في جزء في بلاد الشام وفي جزء في بلاد اليمن فنروح بقى للاختيارات وندور على حد من الاثنين دول بلاد اليمن ايوه طبعا مملكه الغساسنه
33:32 لا دول كانوا عن الديانه المسيحيه مملكه الحيره مسيحيه غلط بلاد الحجاز وثنيه مش بيعبدوا مظاهر الطبيعه فتبقى غلط بس كده لو انت بقى كنت مركز من اول الحلقه لحد دلوقتي فتعال بقى عشان تحل سؤال الحلقه اللي بيقول ارتبطت نشاه مملكه الغساسنه بالتغيرات الاقتصاديه والاجتماعيه التي حدثت في شبه الجزيره العربيه بالجهات ايه يعني العرب انشاوا مملكه الغساسنه في شمال شبه الجزيره العربيه وده كان مرتبط بالتغيرات اللي حصلت تغيرات اقتصاديه واجتماعيه فانهو منطقه من شبه الجزيره العربيه الجنوبيه ولا الشماليه ولا الشرقيه ولا الغربيه فكر بقى كده ومستني اجاباتكم في التعليقات ويا ريت وانت بتكتب
34:17 الاجابه ما تقوليش الرمز يعني ما تقوليش ا او ب او ج او د لان انا مش هفتكر ا دي معناها ايه او ب معناها كلمه ايه لان انا مش هفتكر الرمز ا ده الاجابه ايه لان انا بكون فاكر السؤال مش فاكر الرمز بتاع الاجابه ايه فاكر الاجابه ذات نفسها في ريت تكتب لي الاجابه جنوبيه شماليه شرقيه كده يعني تمام ومستني بقى اجاباتكم في التعليقات وبس بس كده اكون خلصت اللي عند سؤال او استفسار اكتبه في كومنت وارد عليك ان شاء الله وانتظروني الحلقه اللي جايه باذن الله وكان معكم مستر محمد فتحي والسلام عليكم ورحمه الله وبركاته.
